МУИС-ийн 81 дэх хичээлийн жилийн оюутны клубүүдийн танилцуулга өдөрлөгийг 2023 оны есдүгээр сарын 27-ны өдөр Багш оюутны хөгжлийн төвд зохион байгууллаа. МУИС-ийн хэмжээнд нийт 70 клуб бүртгэлтэй байдаг ба үүнээс идэвхтэй үйл ажиллагаа явуулж буй шилдэг 42 клубт батламж гардууллаа.
Энэхүү өдөрлөгийн зорилго нь МУИС-ийн оюутны байгууллага, клубүүдийн үйл ажиллагааг нийт оюутнуудад сурталчлах, шинэ гишүүнчлэл авах, оюутны байгууллага клубүүд өөрийн хэрэгжүүлж буй төсөл хөтөлбөр болоод үйл ажиллагаагаа нийтэд танилцуулахад оршино.
Танилцуулах өдөрлөгийн үйл ажиллагаатай МУИС-ийн оюутны хөгжил эрхэлсэн захирал Г.Галбаяр, Санхүү хөрөнгө оруулалт эрхэлсэн захирал Ч.Энхбаяр, Оюутны хөгжлийн бодлогын газрын дарга В.Дашдаваа, Санхүү эдийн засгийн бодлогын газрын дарга П.Баянсан, Оюутны хөгжлийн төвийн эрхлэгч М.Эрдэнэчимэг нар танилцлаа. Мөн МУИС-ийн багш ажилтнууд клубүүдийн үйл ажиллагааг дэмжиж хамтран ажиллах цаашлаад үйл ажиллагаанд нь тогтмол оролцож байх талаар санал солилцлоо.
