Газарзүйн Асуудлууд сэтгүүл 2001 оноос эхлэн хэвлэгдэж ирсэн 20 гаруй жилийн түүхтэй эрдэм шинжилгээний сэтгүүл юм. Монголын газарзүйн шинжлэх ухааны судалгааны шинэ үр дүнгүүдийг түгээх зорилготой. Сэтгүүлийн агуулга нь физик газарзүй, нийгэм эдийн засгийн газарзүйн болон байгалийн ухааны салбар дундын судалгааны бүтээлийг ёс зүйтэй, шударга шүүлтүүрээр шигшиж хэвлэхийг зарчим болгон ажиллаж байна. Тухайн сэтгүүл нь жилд 2 дугаар тогтмол эрхлэн гарах ба жил бүрийн V сард эхний, XII сард сүүлийн дугаар хэвлэгдэнэ. Тухайн дугаарт хэвлүүлэх судалгааг хамгийн багадаа 2-3 сарын өмнө редакцад сэтгүүлийн стандарт бичвэрт нийцүүлэн ирүүлсэн байна.
Газарзүйн Асуудлууд сэтгүүлд шинэ судалгааны шинэ үр дүнгүүд, газарзүйн системчилсэн тойм бүхий өгүүлэл нийтлэгддэг. Сэтгүүлд “DOI” дугаар олгогдох бөгөөд “Google scholar” мэдээллийн санд таны өгүүлэл бүртгэгдэж олон улсын хэмжээнд эшлэл хийгдэх боломжтой. Сэтгүүлтэй холбоотой мэдээллийг altanbold@num.edu.mn хаягаар захидал бичиж харилцах боломжтой. Түүнчлэн сэтгүүлийн зохиогчийн гарын авлагыг https://journal.num.edu.mn/GP/about/submissions холбоосоор нэвтэрч дэлгэрэнгүй мэдээлэлтэй танилцана уу.
Газарзүйн Асуудлууд сэтгүүлийн редакцийн зөвлөл
