Монгол угсаатны эв найрамдал, хамтын ажиллагааг бэхжүүлэх монгол хэл бичиг, түүх, соёл, Монгол бахархлыг үеийн үед өвлүүлэх зорилгоор “Элбэгдорж хүрээлэн” (EBI) болон “Дэлхийн Монголчуудын холбоо”-ны зүгээс “Дэлхийн Монгол” оюутны тэтгэлэгт хөтөлбөрийг хэрэгжүүлнэ. Тэтгэлгийн зорилго нь дэлхийн Монгол угсаатны оюутан, залуусыг Монгол Улсад амьдрах, сурч хөдөлмөрлөхөд дэмжлэг үзүүлэхэд оршино.
Тус оюутны тэтгэлэгт хөтөлбөрт тэнцсэн суралцагчдын сургалтын төлбөрийн тодорхой хувийн дэмжлэг үзүүлэхээс гадна хувь хүний хөгжлийн таван сарын хөтөлбөрийг хэрэгжүүлнэ. Үүнд Монгол соёлын өдөрлөг, лекц уулзалт, малчин айлаар зочлох, спорт өдөрлөг, хувь хүний хөгжлийн сургалт, ААН-тэй танилцах зэрэг үйл ажиллагаа багтана.
Хамрах хүрээ:
- ОХУ-ын Бүгд Найрамдах Халимаг, Тува, Буриад болон Алтай улс;
- БНХАУ-ын баруун хойд бүст орших Чинхай /Хөхнуур/ мужийн Дээд Монголчууд, Шинжааны Монгол, болон ӨМӨЗО-ны харьяат оюутан залуус,
- Дэлхий дахинд үүссэн нөхцөл байдалтай холбоотойгоор ОХУ-аас Монгол Улсад ирсэн бөгөөд Монгол Улсын аль нэг их сургуулийн хөтөлбөрт эсвэл хэлний бэлтгэл курст сурахаар төлөвлөж \ суралцаж буй залуус
Дээрх газар, орон нутгийн Монгол угсаатны оюутан, залуусаас Монгол Улсад бакалавр болон магистр, докторын зэргээр суралцаж буй болон хамрах хүрээ хэсгийн гуравт хамаарах залууст сургалтын төлбөрийн тодорхой хувийн тэтгэлэг олгох бөгөөд горилогчдод олгох тэтгэлэг нь 2024 оны хичээлийн жилд хамаарна.
Нийт хэрэгжих хугацаа: 5 сар
Материал хүлээж авах хугацаа: 2023 оны 10 сарын 23-аас 11 сарын 20-ны өдрийн 23:59 минут хүртэл.
Ярилцлагын шат: 2023 оны 10 сарын 27-оос 12 сарын 01-ний хооронд
Шалгаруулалт: 2023 оны 12 сарын 09-ний Бямба гарагт батламж гардуулна.
Хөтөлбөр: 2024 оны 02-05 дугаар сар хүртэл үргэлжилнэ.
Тэтгэлгийн зорилго:
Дэлхийн Монгол угсаатны ирээдүй хойч болсон ирээдүйн манлайлагч болох Монгол угсаатны шилдэг оюутан, залуусыг:
- Монголын соёл, уламжлал, түүх, нийгмийн амьдралтай танилцуулах;
- Цаашид Монгол улсын хөгжил дэвшилд хувь нэмрээ оруулах мөн Монгол улсад ажиллаж амьдрах боломжийг нь дэмжих;
- Цаашид Монгол улс Дэлхийн Монгол угсаатны үндэстэн улсуудтай холбоо харилцаагаа нэмэгдүүлэхэд зууч болж үнэтэй хувь нэмэр оруулах; болон
- Тус тэтгэлгээр дамжуулан Монгол угсаатны эв найрамдал, хамтын ажиллагааг бэхжүүлэхэд олон улсын тавцан дахь Монгол улсын оролцоо, хувь нэмрийг хангах зорилготой.
Тавигдах шаардлага:
- Тэтгэлэгт өргөдөл гаргагч нь тэтгэлгийн хамрах хүрээний төлөөлөл байх;
- Цаашид Монгол Улсад ажиллаж амьдрах сонирхолтой байх;
- Монгол угсаатны хамтын ажиллагааг бэхжүүлэх чиглэлээр үйл ажиллагаанд оролцох, зохион байгуулах сонирхолтой байх;
- Монгол эсвэл англи хэлний дундаас дээш түвшний мэдлэгтэй байх;
- Нийгэм олон нийтийн ажилд идэвхтэй, манлайлан оролцох сонирхолтой байх;
Тэтгэлэг горилогчийн бүрдүүлэх материал:
Өргөдөл гаргахдаа дараах материалуудыг монгол, англи аль нэг хэлээр бүрдүүлж цахим маягтад хавсаргах шаардлагатай. Үүнд:
- Тэтгэлэг хүсэгчийн маягт бөглөх: https://form.jotform.com/223243014538044/
Маягтад хавсаргах материалууд:
- Сургуулийн тодорхойлолт, хэлний сургалт бол тухайн байгууллагын тодорхойлолт;
- Тэтгэлэг горилогчийн CV;
- Тодорхойлох нэг захидал /өөрийн тань ур чадварыг тодорхойлох хэн нэгний /гэр бүлийн гишүүдээс бусад/;
- Гадаад паспортын хуулбар;
- Бичлэг /Хоёр минут хүртэлх байх бөгөөд өөрийн танилцуулга, яагаад энэ тэтгэлэгт материалаа илгээх болсон тухайгаа тусгана/ зэргийг цахим маягтад хавсарган илгээх.
Материал хүлээн авах эцсийн хугацаа: 2023 оны 11 сарын 20-ны 23:59 хүртэл.
Шалгаруулалт
- Материалын шалгаруулалт
- Ярилцлагын шалгаруулалт
Хуваарь
Оюутны тэтгэлгийн комисс нь тухайн горилогчийн суралцах чин хүсэл эрмэлзэл, цаашид Монгол улсад ажиллаж амьдрах хүсэл, сурлагын амжилтын байдал, нийгмийн идэвх, хувийн бусад амжилтыг үндэслэн шийдвэр гаргана.Тэтгэлгийн эцсийн дүнг 2023 оны 12 дугаар сарын 07-08-нд www.worldmongol.org вэб хуудаст байршуулах мөн утас, мэйл хаягаар нь мэдээлэх болно.
Тэтгэлэгтэй холбоотой мэдээллийг info@wmc.mn 90808511 болон 70000998 дугаараар холбогдон лавлана уу!
Оюутны тэтгэлгийн комисс
Дэлхийн Монголчуудын Холбоо Элбэгдорж хүрээлэн Монгол Улсын Их Сургууль
