Япон Улсын Токиогийн гадаад хэлний их сургууль 2023-2024 оны намрын улирлын оюутан солилцооны хөтөлбөрөө зарлалаа.
МУИС болон Япон Улсын Токиогийн гадаад хэлний их сургуулийн (Tokyo University of Foreign Studies) хооронд байгуулсан хамтын ажиллагааны гэрээний дагуу 2024-2025 оны хичээлийн жилийн оны намрын улирлын оюутан солилцооны хөтөлбөрийг зарлаж байна.
Шаардлага:
- МУИС-ийн бакалавр (дор хаяж нэг улирал суралцсан, төгсөх болзол хангаагүй) болон магистрын идэвхтэй суралцаж буй оюутан байх;
- Англи хэлний CEFR (Common European Framework of Reference for Languages) B2, Япон хэлний N2 түвшний мэдлэгтэй байх;
- Голч оноо 3.0 ба түүнээс дээш.
Бүрдүүлэх материал:
- Сургуулийн тодорхойлолт /англи хэл дээр, ТҮЦ машинаас авсан байх/
- Дүнгийн тодорхойлолт /англи хэл дээр, ТҮЦ машинаас авсан байх /
- Application form
- Суралцах төлөвлөгөө
- Эрүүл мэндийн бичиг
- JASSO тэтгэлэгт хамрагдах хүсэлтэй оюутнууд өөрийн зорилгыг тодорхойлсон эсээ 200 үгтэй /Японы Боловсролын яамнаас дэмждэг JASSO сангийн тэтгэлэгт нэр дэвшүүлнэ/
- Паспортын хуулбар
- Санхүүгийн баталгаа. 1 семестр суралцах бол – 500,000 йен, 2 семестр суралцах – 900,000-1,000,000 йены баталгаа гаргана
- 3х4 хэмжээтэй 3 хувь цээж зураг эх хувиар, 3х4 хэмжээтэй 1 хувь цээж зураг file-аар JPG өргөтгөлтэй
- Шалгах хуудас
Суралцах хугацаа:1-2 семестр /өөрийн хүсэлтээр/
Төлбөр: Сургалтын төлбөрөөс чөлөөлнө. Дотуур байр болон бусад зардлыг оюутан өөрөө хариуцна.
Тэтгэлэг: JASSO сангийн тэтгэлэгт хамрагдах боломжтой /шалгарсан тохиолдолд/
Дотуур байрны төлбөр: сарын 32000-46000 йен
Гадуур байрлах бол сарын төлбөр ойролцоогоор 60000-70000 йен
Материал хүлээн авах сүүлийн хугацаа: 2024 оны гуравдугаар сарын 14-ний өдрийн 12:00 цаг хүртэл. Хүсэлт гаргагч нь өөрийн бүрдүүлсэн материалыг нэг багц PDF файл (файлын хэмжээ 2-4Mb хэтрэхгүй, тод байх) болгон studentaffairs@num.edu.mn хаягаар илгээнэ үү.
Дутуу болон алдаатай бичиг баримт хүлээн авахгүй ба өргөдөл авах хугацааг сунгахгүй тул тодруулах зүйл байвал studentaffairs@num.edu.mn хаягаар урьдчилан холбогдож асууна уу.
Бичиг баримтын эх хувийг Оюутны хөгжлийн төвд (МУИС-ийн 2-р байрны ард байрлах Багш, оюутны хөгжлийн төвийн 303 тоотод) хүлээлгэн өгнө.
Токиогийн гадаад хэлний их сургуулийн 2024-2025 оны хичээлийн жилтэй холбоотой мэдээллийг доорх линкээр холбогдон танилцана уу.
Дэлгэрэнгүй мэдээллийг ЭНД ДАРЖ үзнэ үү.
