DUO-Бельги /Валлониа-Брюсселийн тэтгэлэгт хөтөлбөрт (DUO-Belgium/Wallonia-Brussels) Бельгийн цагаар 2024 оны нэгдүгээр сарын 29-ний өдрөөс 2024 оны гуравдугаар сарын 29 хүртэл бүртгүүлэх боломжтой боллоо. Тус хөтөлбөр нь Бельги/ Валлониа-Брюссель болон Азийн АСЕМ-ын гишүүн орнуудын хооронд профессор/судлаачдын солилцоог дэмжих зорилгоор Судалгаа, Дээд Боловсролын Академи (ARES) удирдан явуулдаг хөтөлбөр юм.
Тэтгэлэгт хөтөлбөрийн хүрээнд Азийн их сургуулийн профессор, судлаачид Бельги/Валониа-Брюсселийн институтийн солилцооны хөтөлбөрийн санхүүгийн дэмжлэг авах боломжтой.
DUO-Бельги/Валлониа-Брюссель 2024 хөтөлбөрийн талаар дэлгэрэнгүй мэдээллийг дараах холбоосоор үзнэ үү.
- DUO-Бельги/ Валлониа -Брюссель 2024 хөтөлбөрийн Ерөнхий тайлбар
- DUO-Бельги/ Валлониа -Брюссель 2024 хөтөлбөрийн өргөдлийн маягтыг ЭНД ДАРЖ татна уу.
Мөн DUO-Бельги/ Валлониа -Брюсселийн тэтгэлэгт хамрагдахтай холбоотой мэдээллийг Судалгаа, Дээд Боловсролын Академийн веб сайт эсвэл ASEM-DUO-ийн Нарийн бичгийн даргын веб сайтаас авах боломжтой.
Шалгуур үзүүлэлт
Өргөдөл гаргагч нь доорх шалгуурыг хангасан байна. Үүнд:
- Өргөдлийг дээд боловсролын байгууллагын эрдэм шинжилгээний болон шинжлэх ухааны байгууллагын хамтарсан төслийн багийн гишүүдээс ирүүлсэн байна. Баг тус бүрийн нэг гишүүн нь Валлониа-Брюсселийн холбоо, нөгөө гишүүн нь хөтөлбөрт хамрагдсан Ази, Номхон далайн аль нэг улсаас ирүүлсэн байх;
- Ази-Номхон далайн байгууллага нь Австрали, Бангладеш, Бруней, Камбож, Хятад, Энэтхэг, Индонез, Япон, Казахстан, Өмнөд Солонгос, Лаос, Малайз, Монгол, Мьянмар, Шинэ Зеланд, Пакистан, Филиппин, Орос, Сингапур, Тайвань, Тайланд, Вьетнам зэрэг улсуудын аль нэгэнд байрладаг байх;
- Хөтөлбөрт нэр дэвшигчид тус тусын байгууллагад албан ёсны бүртгэлтэй байна. Нэр дэвшигчид нь (бүтэн эсвэл хагас цагийн (хамгийн багадаа 50 хувь)) байна.
- Валлониа-Брюссель болон Ази-Номхон далайн бүсийн их, дээд сургуулиуд нь дээд боловсролын салбарын эрх бүхий байгууллагаас хүлээн зөвшөөрөгдсөн/магадлан итгэмжлэгдсэн байна;
- Валлониа-Брюссель болон Ази-Номхон далайн бүсийн их, дээд сургуулиудын төлөөлөгчид төслийн хамтарсан багийн гишүүд хамтын ажиллагааны гэрээг хоёр жил үргэлжлүүлэх хүсэлтэй байгаагаа илэрхийлсэн байна.
- Урилга нь бүх салбаруудад нээлттэй бөгөөд хамтарсан төслийн багийн гишүүн нэг ижил мэргэжил, судалгааны чиглэлд харьяалагдах албагүй;
- Хөтөлбөрт нэр дэвшигчийн иргэншил нь гол шалгуур үзүүлэлт биш болно;
Дараах бүлгүүдэд тэтгэлэгт хамаарах боломжгүй. Үүнд:
- Оюутнууд болон докторын оюутнууд;
- Хүндэт профессорууд;
- Багшийн туслах ажилтнууд.
Солилцооны хөтөлбөр хоёр шип байгууллагын хооронд хэрэгжих хэдий ч нэг ижил хугацаанд, хоёр ижил төстэй хэлтсүүд байх шаардлагагүй.
Тэтгэлгийн хэмжээ
Хөтөлбөрийн төсөл бүрд олгох тэтгэлгийн хэмжээ нь өргөдлийн маягтад заасан тэтгэлэг олгох шат дарааллын дагуу хоёр хос тэтгэлэг авагчийн голд 7 мянган Еврогийн нэг удаагийн тэтгэлэг олгоно. (тухайлбал, нэг хүнд 3,500 Евро олгоно).
Бүрдүүлэх материал
- Хоёр хос хөтөлбөрт нэр дэвшигчийн зохих ёсоор бөглөсөн 2024-2025 оны өргөдлийн маягт (Судалгаа, Дээд Боловсролын Академийн вэб сайт болон ASEM-DUO вэб сайтаас авах боломжтой). Маягтыг шивж бөглөсөн байх ба PDF форматтай байна. PDF-ын цахим гарын үсгийг хүлээн зөвшөөрнө.
- Валлониа-Брюсселийн холбооны байгууллага болон Ази, Номхон далайн бүс нутгийн байгууллага хоорондын эрдэм шинжилгээний хамтын ажиллагааны гэрээний (Харилцан ойлголцлын санамж бичиг) хуулбар, Харилцан ойлголцлын санамж бичиг байхгүй тохиолдолд хоёр байгууллагын хамтарсан багийн гишүүд эсвэл төлөөлөгчид байгууллага хоорондын гэрээг хоёр жил үргэлжлүүлэн ажиллах боломжтой байгаагаа илэрхийлсэн захидал, зэрэг зорилтыг илэрхийлсэн мэдэгдэл.
- Хүсэлт гаргагч хамтарсан багийн гишүүдийн гадаад паспорт эсвэл иргэний үнэмлэхийн хуулбар;
- Хүсэлт гаргагч бүрд ASEM-DUO хөтөлбөртэй холбоотой ажлын туршлагыг онцолсон таван хуудаснаас илүүгүй CV буюу товч намтарыг ирүүлнэ.
