МУИС-ийн ШУС-ийн Багш боловсрол хөтөлбөрийн оюутнуудын дунд эрдэм шинжилгээний хурлыг жил бүр зохион байгуулдаг. Энэ удаа Шинжлэх ухааны сургуульд Боловсрол судлалын тэнхим байгуулагдсантай холбоотойгоор эрдэм шинжилгээний хурлыг өргөтгөж, улсын хэмжээнд зохион байгуулав. Хурлын хоёрдугаар шат дөрөвдүгээр сарын 12-нд МУИС-ийн Цахим номын сангийн хурлын танхимд болж МУИС-ийн ШУС, Зүүн бүсийн сургууль, МУБИС-ийн Сургуулийн өмнөх боловсролын сургууль, Багшийн сургууль, Боловсрол судлалын сургууль, СЭЗИС-ийн Боловсролын сургууль, СУИС-ийн оюутнууд 16 илтгэл танилцууллаа. Оюутнууд өөрсдийн судалгааны ажлын үр дүнг танилцуулахын зэрэгцээ хэлэлцүүлэг өрнүүлж санал солилцов. Үүнээс Сургуулийн өмнөх, Бага боловсрол болон Суурь, бүрэн дунд боловсрол гэсэн хоёр чиглэлээр тус бүр гурван байр тусгай дөрвөн тусгай байр шалгаруулав.
Үүнд:
- Тэргүүн байранд А.Хонгорзул (МУИС), Н.Эгшиглэн (МУИС), Н.Сувд-Эрдэнэ (МУИС) нар “Ерөнхий боловсролын сургуулийн багш, ахлах ангийн сурагчдын сургалтын цахим хэрэглээний талаарх судалгаа” сэдвээр
- С.Отгонцэрэн (МУИС), Н.Алтынбек (МУИС), Х.Айдос(МУИС) нар “Цогтын Цагаан ордон, хадны бичээсний тухай хичээлийг хиймэл оюун ухаан ашиглан заах нь” сэдвээр
- Дэд байранд Э.Хулан (МУИС) “Багшлахуй ба зөөлөн ур чадвар ” сэдвээр
- Дэд байранд Б.Алтанцэцэг (СУИС) “Хөгжим сонсох үйл хүүхдийн хөгжил, төлөвшилд нөлөөлөх нь (Бага боловсролын түвшин)” сэдвээр
- Гутгаар байранд Б.Энхжаргал (СУИС) “Хөгжмийн хичээлээр сургуулийн өмнөх насны хүүхдийн үгийн нөөцийг нэмэгдүүлэх боломжийг судалсан нь” сэдвээр
- Гутгаар байранд А.Ариунжаргал (МУИС) “Боловсролыг технологид ашиглах нь ” сэдвээр
- Тусгай байранд О.Идэрцэцэг (МУИС) “Газарзүйн хичээлийн агуулгыг кейсээр баяжуулсан нь” сэдвээр
- Тусгай байранд Э.Нандинцэцэг (МУИС), Дорнод “Оюутны бие даах ажлын чанарыг сайжруулахад нийгмийн сүлжээний зарим боломжийг хэрэглэх нь” сэдвээр
- Тусгай байранд Ц.Отгоншагай (СУИС) “Хөгжмийн интеграци хийх нь” сэдвээр
- Тусгай байранд О.Мэндсайхан (СУИС) “Хэл хуурчдын хөгжимдөх арга барилыг судалсан нь” сэдвээр тус тус шалгарсны
Мөн оролцогч бүрд сурлага, судалгааны өндөр амжилт хүсэж, ШУС-ийн захирлын дурсамж гардууллаа.
