Таван Богд Групптэй хамтын ажиллагааны санамж бичиг өнөөдөр байгууллаа. Талууд хамтын ажиллагааны хүрээнд, Монгол Улсын нийгэм, эдийн засагт тулгамдсан асуудлуудыг шийдвэрлэх, оюутан залуусыг дэмжиж, ажлын байранд ажиллаж эхлэхээс өмнө бэлтгэх, ажлын байранд суурилсан сургалтыг хэрэгжүүлэх, цаашид Таван Богд Группийн охин компаниудад ажиллах боломжоор хангах, төсөл, хөтөлбөр, суурь судалгаа, зөвлөх үйлчилгээг хамтран хэрэгжүүлнэ. 
Санамж бичигт гарын үсэг зурах ёслолд Таван Богд Группийн талаас, Ерөнхийлөгч Ц.Баатарсайхан, Хүний нөөц хариуцсан захирал Г.Хишигжаргал, Сонгон шалгаруулалтын ахлах менежер Д.Солонго, МУИС-ийн талаас Ректор Д.Бадарч, Ректорын ажлын албаны дарга Н.Баатарбилэг, бүрэлдэхүүн сургуулийн захирлууд, Эрдмийн зөвлөлийн гишүүд, профессор багш нар оролцлоо.
Таван Богд Группийн Ерөнхийлөгч Ц.Баатарсайхан, МУИС-тай хэрхэн үр ашигтай харилцан, хамтран ажиллах боломжтой тухайгаа илэрхийлсэн бөгөөд 2024-2025 оны хичээлийн жилээс таван оюутанд сургалтын төлбөрийн бүрэн тэтгэлэг олгохоор болсоноо мэдэгдлээ.
РЕКТОРЫН АЖЛЫН АЛБА
