Та бүхнийг БНСУ-ын Ахисан Түвшний Судалгааны Чуй Институт (Сhey Institute for Advanced Studies), МУИС-ийн дэргэдэх Азийн Судалгааны Төв (ARC)-ийн санхүүжилтээр 2024-2025 онд хэрэгжүүлэх эрдэм шинжилгээний төслийн сонгон шалгаруулалтад оролцохыг урьж байна.
Төслийн судалгааны хамрах чиглэл:
- Байгалийн шинжлэх ухаан
- Эрчим хүчний технологи
- Хэрэглээний шинжлэх ухаан, инженерчлэл
- Хүрээлэн буй орчин судлал, ногоон технологи
Төслийн гол шалгуур үзүүлэлт:
- Шинжлэх ухааны ахисан түвшний судалгаа байх;
- Төслийн үр дүнгээр Web of Science JCR, Scopus CiteScore мэдээллийн санд бүртгэлтэй мэргэжлийн сэтгүүлд нэгдүгээр эсвэл холбоо барих зохиогчоор өгүүлэл хэвлүүлэх боломжтой байх;
- Төслийн удирдагч олон улсын мэргэжлийн сэтгүүлд өгүүлэл хэвлүүлэх чадвартай, МУИС-ийн дотоодын санхүүжилттэй болон ШУТС, ARC-ийн санхүүжилт бүхий хэрэгжих хугацаа дуусан төслийн үр дүнг хүлээлгэн өгөх өргүй байх;
Төсөл мэдүүлэгч: Төслийн удирдагч нь МУИС-ийн үндсэн орон тооны докторын зэрэгтэй багш, эрдэм шинжилгээний ажилтан байх. Төслийн гүйцэтгэгч/оролцогчид нь ахисан түвшний суралцагчид, бусад байгууллагын судлаачид байж болно.
Төслийн санхүүжилтийн хэмжээ: 20 сая төгрөг хүртэл
Төслийг хэрэгжүүлэх хугацаа: 1-2 жил
Төслийн санал хүлээж авах хугацаа: Төслийн саналыг 2024 оны тавдугаар сарын 19-ний өдрийн 18:00 цаг хүртэл МУИС-ийн ТММС-д “2024-2025 ОНД ХЭРЭГЖҮҮЛЭХ АЗИЙН СУДАЛГААНЫ ТӨВ (ARC)-ИЙН СУДАЛГААНЫ ТӨСЛИЙН ЗАР (2024.05.03-2024.05.19 хүртэл санал хүлээж авна)” нэртэй ТӨСЛИЙН ЗАР цэс (https://project.num.edu.mn/#/Proposals)-д бүртгүүлнэ.
Утас: 75754400~1140/1143
АЗИЙН СУДАЛГААНЫ ТӨВ
СУДАЛГАА ИННОВАЦЫН БОДЛОГЫН ГАЗАР
