МУИС, Бизнесийн сургуулийн “Маркетингийн үндэс” хичээлийн хамтлагаас жил бүр оюутан залуусын дунд тогтмол зохион байгуулдаг “Blackbox 24” уралдаан энэ жил амжилттай болж өндөрлөлөө.
Тэмцээний энэ жилийн хамтрагчаар МУИС Пресс Хэвлэлийн газар, МУИС Пресс дэлгүүр ажилласан бөгөөд МУИС-ийн багш судлаачдын худалдаанд гаргасан нийт 21 сурах бичиг, номыг олон нийтэд танилцуулах улмаар борлуулалтыг дэмжих зорилго бүхий даалгаврыг багуудад өгч, холбогдох мэдээллээр хангаж ажиллалаа. Тэмцээнд нийт 105 оюутан оролцсоноос Тэргүүн байранд “Санхүүгийн зах зээл ба байгууллагууд” сурах бичгээр “Back to the future” баг, дэд байранд “Электродинамик” сурах бичгээр “Улаан туг” баг, гутгаар байранд “Хүмүүний газарзүй” сурах бичгээр “White box” баг харин тусгай байранд “Монголын эртний уран зохиол” сурах бичгээр “Millionaires” баг тус тус шалгарав.
“BLACKBOX” уралдаан нь маркетингийн суурь мэдлэгийг бататгах, бүтээлч сэтгэлгээг хөгжүүлэх, академик болон хувь хүний ур чадварыг нэмэгдүүлэх зорилготой юм. Хамтран ажиллахад бүх талаар дэмжиж тусалсан МУИС Пресс хэвлэлийн газрын хамт олон, ялангуяа менежер Т.Ууганбаярт талархлаа илэрхийлье. Мөн хичээл зүтгэл гарган, өвөрмөц, шинэлэг санаагаар бүтээлч маркетинг хийсэн оюутан залуустаа баярлалаа.
МАРКЕТИНГИЙН ҮНДЭС ХИЧЭЭЛИЙН ХАМТЛАГ
