Оюутны хөгжлийн төвийн дэргэдэх “NUM CAREER” танхим нь төгсөх түвшний суралцагчдад зориулан 2024 оны бизнес аяллаа Монгол Улсын тэргүүлэх аж ахуй нэгж болох ТЭСО группийн “ICE MARK” зайрмагийн үйлдвэрт хийхээр боллоо. “ICE MARK” зайрмагийн үйлдвэрийн үйл ажиллагаатай бодитоор танилцан оффис менежер болон хүний нөөцийн менежерүүдээс сургалт авч сонирхсон зүйлсээ асууж тодруулахын зэрэгцээ цагийн ажилд бүртгүүлэх, тус байгууллагад дадлага хийх, төгсөөд байнгын ажлын байранд орох зэрэг хөдөлмөр эрхлэлтийн чиглэлээр өөрт хэрэгтэй олон мэдээллийг судлах боломж бүрдэх тул төгсөх түвшний суралцагч таныг дээрх аялалд урьж байна.Аялал 2024 оны зургаадугаар сарын 12-ны өдөр зохион байгуулагдана.
Бизнес аялалд эхний 20 суралцагч хамрагдах боломжтой тул бүртгэлээ career.num.edu.mn вэб сайтаар баталгаажуулна уу.
ЖИЧ: Бизнес аялалд хамрагдсанаар өдрийн цай болон үйлдвэрийн зайрмагийн дээжээс амталгаа хийх боломжтой.
Энэ удаагийн “Бизнес аялал”-ын хөтөлбөртэй танилцана уу.
Оюутны хөгжлийн төв нь “Бизнес аялал”-аа жил бүр зохион байгуулдаг уламжлалтай ба өнгөрсөн жилүүдэд Витафит группийн “Гоё” тарагны үйлдвэр, “Таван богд” групп-ийн үйл ажиллагаатай танилцсан. Аяллын сонирхолтой агшинтай та бүхэн танилцана уу.
ОЮУТНЫ ХӨГЖЛИЙН ТӨВ
ХӨДӨЛМӨР ЭРХЛЭЛТ, КАРЬЕР ХӨГЖЛИЙГ ДЭМЖИХ ҮЙЛЧИЛГЭЭ
ДЭЭРХ МЭДЭЭТЭЙ ХОЛБООТОЙ АСУУДЛЫГ МУИС-ИЙН ОЮУТНЫ ХӨГЖЛИЙН БОДЛОГЫН ГАЗАР ХАРИУЦНА
