Монгол Улсын Их Сургууль (МУИС), “Рио Тинто Монгол” компанитай хамтран хэрэгжүүлдэг “Багш, оюутны стартап 2024” (NUM Startup 3.0) хөтөлбөрийн хүрээнд МУИС-ийн Шинжлэх Ухаан Технологийн Улаанбаатар Паркийн Технологи дамжуулах төв, нийслэл дэх хамтын оффистой танилцах, стартапуудтай уулзах, туршлага судлах “Startup Tour” үйл ажиллагааг зохион байгууллаа.
Энэ удаа хөтөлбөрт оролцогч багууд гарааны компаниудыг олон улсын зах зээлд гаргах чиглэлээр ажилладаг “Сократус Стартап Студио” ХХК-д зочилж, тэдний үйл ажиллагаа болон танилцлаа. Уулзалтын үеэр “Сократус Стартап Студио” ХХК-ийн Гүйцэтгэх захирал А.Мөнхцог, Хурдасгуур хөтөлбөрийн талаар болон стартап эхлүүлэхэд тулгардаг саад бэрхшээл, түүнийг даван туулах арга замын талаар өөрсдийн хийсэн судалгааг танилцуулав.
Уулзалтын үр дүнд инновацид суурилсан бизнес санаа, гарааны компанийг хөгжүүлэх цогц хөтөлбөр, тэнд бойжиж буй стартапуудтай танилцаж, тэдэнтэй туршлага солилцож, зөвлөгөө авлаа. Ээлжит “Startup Tour”-д 18 багаа төлөөлж оролцсон багш, оюутнууддаа өндөр амжилт хүсье.
Шинжлэх Ухаан Технологийн Улаанбаатар Парк,
Технологи дамжуулах төв
77307730 – 1160
tto@num.edu.mn
