Шинийг эрэлхийлэгч хүсэл тэмүүлэлтэй, авьяаслаг залуу судлаач, эрдэмтэд, мэргэжилтнүүдэд өөрийн шинжлэх ухаан, дэвшилтэт технологи, судалгааны шинэлэг форматаа дотооддоо болон олон улсад танилцуулах боломжийг олгодог “Falling Walls Lab Mongolia’24” форум зохион байгуулагдана. Форум 2024 оны есдүгээр сарын 27-ны өдөр 13:00 цагаас МУИС-ийн Номын сангийн хурлын танхим 502 ба www.zoom.us онлайн платформоор танхим-цахим хосолсон “hybrid” хэлбэрээр болно.
Оролцогчид тус бүр гурван минутын дотор багтаан өөрийн судалгааны ажил, бизнесийн загвар, шинэлэг төсөл, санаагаа бусад мэргэжилтнүүд, шүүгчдэд болон олон нийтэд бидний цаг үеийн хамгийн тулгамдсан сорилтуудын шийдлүүдийг танилцуулдаг. Орон орны үндэсний ялагчид нь жил бүрийн арваннэгдүгээр сарын 07-нд Берлин хотноо олон улсын финалд өрсөлдөх бөгөөд улмаар “Falling Walls Science Summit”-д оролцох эрхийн бичгээр шагнуулж дэлхийн шинжлэх ухаан, бизнесийг хөдөлгөгч, гол бодлого боловсруулагчидтай харилцах, холбоо тогтоох боломжтой болох юм.
Арга хэмжээнд бүртгүүлэх холбоос: https://forms.gle/GfwtbZvHm1fWe6398
