ХААИС-ийн ЭЗБС нь Монголын Менежментийн Холбоо, Жандагсүрэн сантай хамтран “Эдийн засаг, бизнесийн удирдлага” чиглэлээр сургалт явуулдаг ИДС-иудын оюутнуудын дунд Менежментийн улсын XV олимпиадыг 2024 оны 11 дүгээр сарын 14,15-ны өдрүүдэд амжилттай зохион байгуулж өндөрлөлөө.
МУИС, Бизнесийн сургуулийн “FLAMINGO”, “BGI” хоёр багийн 10 оюутан амжилттай оролцов.
1-р үеийн I шатны шалгаруулалтад тус 2 баг бүгд шалгарсан.
1-р үеийн II шатны шалгаруулалтад 2 багийн нийт 6 гишүүн шалгаран оролцож 2-р шатанд шилдэг 10 оюутны шагналыг хүртлээ. Шагналын сан оюутан тус бүр өргөмжлөл, 300.000 төгрөг.
Удирдагч багш Б.Шүрэнцэцэг “FLAMINGO” баг ДЭД БАЙР эзэлж багаараа мөнгөн медаль хүртлээ. “FLAMINGO” баг: ахлагч Б.Үнэнхүү, А.Энгүүн, Н.Түвшинтөгс, Б.Энхтуяа, Э.Энхдэлгэр.
Удирдагч багш Б.Энхтуяа “BGI” багийн 2 оюутан хоёрдугаар шатандаа шалгаран өрсөлдөж шилдэг 10 оюутны шагналаар шагнуулсан. “BGI” баг: ахлагч Д.Чулуун-эрдэнэ, Э.Золзаяа, Т.Алтанцэцэг, Д.Энхтүвшин, Б.Маралгуа
МУИС Бизнесийн сургуулийн СМ-ийн IV түвшний оюутан А.Энгүүн хувийн амжилтаар ДЭД БАЙР эзэлж өргөмжлөл, мөнгөн медаль, 1.2 сая төгрөгийн мөнгөн шагнал хүртлээ.
Эдгээр оюутнуудад маань ивээн тэтгэгч байгууллагууд дараах урилгыг гардуулсан.
- СМ-ийн IV түвшний оюутан А.Энгүүн: Хаан банкинд ажиллах урилга
- Бизнесийн менежмент IV түвшний оюутан Э.Энхдэлгэр: Голомт банкинд ажиллах урилга
- СМ-ийн IV түвшний оюутан Б.Үнэнхүү, Н.Түвшинтөгс, Д.Энхтүвшин, Бизнесийн менежмент IV түвшний оюутан Д.Чулуун-эрдэнэ нар: Сүү хувьцаат компанид ажиллах урилгыг авсан.
- Нийт оролцсон хоёр багийн 10 оюутанд Грийн группт цалинтай дадлага хийх урилга тус тус гардуулсан болно.
Олимпиадад оролцох оюутнуудад давтлага өгч ажилласан Менежментийн тэнхимийн багш Ж.Ариунаа, Б.Энхтуяа, Ж.Сарантуяа, Д.Батцэцэг болон Бодлогын судалгааны төвийн менежер, санхүү менежментийн багш Х.Анхбилэг нартаа талархал илэрхийлье.
