МУИС-ийн Багшийн хөгжил, суралцахуйг дэмжих төвөөс улирал бүр зохион байгуулдаг “Шинэ багшийг чиглүүлэх сургалт” өнөөдөр буюу 2025 оны хоёрдугаар сарын 25-ны өдөр боллоо. Тус сургалт нь МУИС-д шинээр ажилд орсон багш нарт байгууллагын зорилго, стратегийн төлөвлөгөө, хүний нөөцийн бодлого, сургуулийн дотоод дүрэм, журмуудыг танилцуулах, мэдээллийн систем, эрдэм шинжилгээний менежментийн мэдээллийн систем, төслийн удирдлагын системийг ашиглах талаар үндсэн ойлголт өгөх зорилготой.
Сургалтаар хичээлийг үр өгөөжтэй заах арга зүй, сургалтын шинэ арга барил, тэгш хамран сургах, тусгай хэрэгцээт боловсрол, хичээлийн тохируулгын талаар ойлголт мэдээллийг өгсөн юм.
Энэ удаагийн сургалтад МУИС-ийн таван бүрэлдэхүүн /ШУС, ИТС, МТЭС, УТСОУХНУС, ХЗС/ сургуульд шинээр орсон долоон багш хамрагдлаа. 
МУИС-ийн Эрдмийн хамт олны гишүүн болсон шинэ багш нартаа амжилт хүсье.
Багшийн хөгжил, суралцахуйг дэмжих төв
