Өнөөдөр Эрхүүгийн хөдөө аж ахуйн академийн төлөөлөгчид МУИС-ийн эрдэм шинжилгээ, инновацийн асуудал эрхэлсэн дэд захирал Ж.Батхүүтэй уулзаж, хоёр сургуулийн цаашдын хамтын ажиллагааг өргөжүүлэн хөгжүүлэх талаар ярилцлаа.
Эрхүүгийн хөдөө аж ахуйн академи нь 1934 онд байгуулагдсан бөгөөд агрономи, биотехнологи- мал эмнэлэг, инженерчлэл, ан агнуурын менежмент, цахилгаан эрчим хүч, эдийн засгийн факультетуудаас бүрддэг, чадварлаг боловсон хүчинтэй орчин үеийн боловсролын байгууллага юм.
Уг академиас айлчлан ирсэн төлөөлөгчид МУИС-ийн оюутнуудад сургалтынхаа талаар мэдээлэл өгч, уулзалт хийв. Уулзалтын үеэр оюутнууд Эрхүүгийн хөдөө аж ахуйн академийн талаар сонирхож буй зүйлсээ асууж, хариулт авлаа. Оюутнуудад зориулж зуны улиралд зохион явуулдаг Эрхүү хот болон сургуулиа танилцуулах 7 хоногийн аялалын талаар мэдээлэл оюутнуудын сонирхлыг ихэд татаж байсан юм.
Эрхүүгийн хөдөө аж ахуйн ахуйн академийн төлөөлөгчдийн бүрэлдэхүүнд Гадаад оюутантай харилцах төвийн эрхлэгч Ирина Г.Шарапова, Гадаад харилцааны хэлтсийн ахлах мэргэжилтэн Юлия А.Невмержитская, Ан агнуурын менежментийн факультетийн декан Виктор Олегович Саловаров, Инженерчлэлийн факультетийн декан Сергей Николаевич Иллин, Цахилгаан Эрчим хүчний факультетийн декан Бузунова Марина Юрьевна, Эдийн засгийн факультетийн декан Нина Ивановна Федурина нар байв.
Та бүхэн Эрхүүгийн хөдөө аж ахуйн академийн талаар дэлгэрэнгүй мэдэхийг хүсвэл www.igsha.ru вебсайт руу орж мэдээлэл авах боломжтой.
