Энэ 7 хоногийн Мэргэжлээ хэрхэн сонгох вэ уулзалт ярилцлагад Газарзүйн хөтөлбөрөөр “Ногоон титэм” байгаль орчны шинжилгээний лабораторийн захирал, Монголын байгаль орчны мэргэжилтнүүдийн холбооны зохицуулагч Б.Алтангэрэл, “Монголын Урлагийн Зөвлөл”-ийн Урлагийн хөтөлбөрийн захирал Б.Номинтуяа зочин илтгэгчээр оролцож Газарзүй болон Урлаг судлалын хөтөлбөрүүдээр оюутнуудтай тус бүр ярилцлаа.
Газар зүйн мэргэжлийг сонгосноор уур амьсгалын өөрчлөлтийг бууруулахад та бид юу хийж чадах вэ, ногоон дэлхийгээ хамгаалахад энэ мэргэжлээр сурч байгаа хүмүүс хэрхэн гар бие оролцож болох санаа сэдлийг дэвшүүлэх, ажил хэрэг болгох талаар сонирхолтой ярилцлага хийжээ.
Уран нугараач Б.Номинтуяа нь урлаг судлалаар АНУ-ийн Колумбын их сургуулийг төгссөн байна. Түүнтэй нэг мэргэжлээр сурсан хүмүүс хэрхэн мэргэжлээ дээшлүүлэх болон ажлын байрны олдоц, хөврөх чадвар, мөн яаж тэтгэлэгт хамрагдах вэ гэх мэт чухал мэдээллүүдийг манай оюутнуудад хүргэсэн юм. Ирэх долоо хоногт Байгаль орчныг зайнаас тандан судлал хөтөлбөрөөр “Оюу толгой” ХХК-ийн Газарзүйн мэдээллийн системийн ажилтан С.Эрдэнэцогт оролцохоор төлөвлөж байна.