Сумитомо Корпораци нь Монгол Улсын нийгмийн сайн сайхны төлөө жил бүр МУИС-ийн 20 оюутанд тэтгэлэг олгодог бөгөөд тэтгэлэгт сонгогдсон оюутны сурлагын үзүүлэлтийг харгалзан тухайн оюутныг төгсөх хүртэл тэтгэлэгийг 4 жилийн турш сунган олгодог. Сонгон шалгаруулалтыг Улаанбаатар дахь Сумитомо корпорацийн төлөөлөгчийн газар хариуцан явуулна.
Энэхүү тэтгэлэгт хөтөлбөрийн гол зорилго нь Азийн улс орнуудын ирээдүйг бүтээлцэх хүний нөөцийн боловсролыг дэмжих зорилготой бөгөөд авъяаслаг, идэвхитэй, сурлага сайтай хэдий ч амьдралын боломж муутай тэргүүний оюутнуудыг түлхүү дэмжиж тэтгэлэгт хамруулдаг бөгөөд сонгон шалгаруулалтанд оролцох оюутан ийм төрлийн бусад тэтгэлэгт хамрагдаагүй 1-р дамжааны оюутан байх ёстой. Дээрхи шаардлагыг хангасан оюутнууд 2012 оны 3 дугаар сар 1-ний дотор сурч буй сургуулийнхаа сургалтын албанд хандан анкет авч бөглөн, баталгаажуулсан дүнгийн тодорхойлолт, сургуулийн багш, профессорын тодорхойлолтын хамт “Оюутанд үйлчлэх төв”-д авчирч бүртгүүлнэ үү.
Бүртгэлийн эцсийн хугацаа: 2011 оны 3 дугаар сар 01
ОЮУТАНД ҮЙЛЧЛЭХ ТӨВ
МУИС-ийн 1-р байрны 202 тоот
