Өнөөдөр /2018.01.24/ МУИС-ийн захирал, доктор Я.Төмөрбаатар МУИС-ийн дэд захирлууд болон бүрэлдэхүүн, салбар сургуулиудын захиралтай, МУИС-ийн дэд захирлууд харьяа газар, хэлтэс, нэгжийн дарга нартай 2018 оны үр дүнгийн гэрээ байгууллаа.
Тус үйл ажиллагаанд МУИС-ийн захирал, доктор Я.Төмөрбаатар хэлсэн үгэндээ “МУИС 2018 оныг “Багшийн хөгжлийг дэмжих жил” болгон зарласан. Үүний хүрээнд багш, ажилтнуудын цалинг энэ оны 1 дүгээр сарын 1-ээс эхлэн 10 хувь, үр дүнгийн урамшуулал 5 хувь буюу 15 хувиар нэмэгдүүллээ. Түүнчлэн төрийн өмчийн их, дээд сургуулиудаас анх удаа ISO-9001 чанарын удирдлагын тогтолцооны олон улсын стандартыг үйл ажиллагаандаа нэвтрүүлэхээр зорилт тавин ажиллаж байна. МУИС-ийн 75 жилийн ойн хүрээнд “Хөрөнгө оруулалтын форум”-ыг санаачилан зохион байгуулсан нь үр дүнтэй болж МУИС-д гадаадын хөрөнгө оруулалт нэмэгдэх эерэг хандлага ажиглагдаж байгаа юм” гээд 2018 онд бодит өөрчлөлт гаргах, хурдтай ажиллах, стратегийн зорилтууддаа хүрэх их ажлын жил байх тул хичээж ажиллахыг хүсэж байна хэмээн МУИС-ийн удирдлагуудад амжилт хүслээ.
