МУИС-ийн Утга зохиол, урлаг судлалын тэнхим, Утга зохиолын нэгдэл болон СУИС-ийн Ярих урлагийн тэнхимтэй хамтран их дээд сургуулийн оюутнуудын дунд уламжлал болгон зохион байгуулдаг богино өгүүллэгийн наадам 2018 оны 4 дүгээр сарын 21-ний өдөр СУИС-ийн II байранд болж өнгөрлөө.
Тус наадамд МУИС, СУИС, МУБИС, ШУТИС, АШҮИС, ИЗОУИС, ОУУБИС, КУДС, УЗНАДС, МИС, ХИДС зэрэг нийт 11 их, дээд сургуулийн 57 оюутны 130 гаруй бүтээл ирснээс МУИС-ийн МХУЗБ-ийн IV ангийн оюутан Т.Эрдэнийн “Хорол” өгүүллэг Тэргүүн байр, МУИС-ийн ШУС-ийн I ангийн оюутан И.Даваадоржийн “Декарт- I” өгүүллэг Дэд байр, КУДС-ийн IV ангийн оюутан Б.Баянчуулгын “Зохиолч эмэгтэй” өгүүллэг Гутгаар байр тус тус эзэллээ.
Мөн шилмэл 12 бүтээлийг СУИС-ийн Тайзнаас ярих урлагийн тэнхимийн оюутнууд урнаар уншиж үзэгчдийн хүртээл болгосон болно.
