Өнөөдөр /2018.05.04/ Туркийн хамтын ажиллагаа, зохицуулах агентлаг /ТИКА/ МУИС-ийн хамтарсан “3 хэмжээст мэдээлэл зүй дизайны” сургалтын сертификатыг гардуулах ёслол боллоо.
Ёслолын үеэр МУИС-ийн багш нарын 3 хэмжээст хэвлэх төхөөрөмжөөр хийсэн бүтээлүүдээ сонирхуулав.
2018 оны 3 дугаар сард Бүгд найрамдах Турк Улсын шадар сайд Хакан Чавишоулу, Бүгд Найрамдах Турк Улсаас Монгол Улсад суугаа онц бөгөөд бүрэн эрхт элчин сайд Ахмет Язал, БНТУ-ын Их хурлын гишүүн Мустафа Шентоп, Салих Жора, Туркийн хамтын ажиллагаа зохицуулах агентлагийн дэд ерөнхийлөгч Мэхмет Сүрэйяа Эр, Улаанбаатар дахь хөтөлбөр зохицуулагч ноён Вейсел Чифтжи болон бусад бие төлөөлөгчид 3D хэвлэх төхөөрөмжийг МУИС-д хүлээлгэн өгсөн билээ.
