2018 оны 5 дугаар сарын 9-нд Түүхийн тэнхимийн семинарт Япон Улсын Ямагата их сургуулийн дэд профессор Накамүра Ацүши уригдаж, “МАНЖИЙН ҮЕИЙН ХАЛХ ДАХЬ ШИЛЖИЛТ ХӨДӨЛГӨӨН” сэдвээр лекц монгол хэлээр уншлаа. Японы залуу монгол судлаачдын нэг А.Накамүра нь Манжийн үеийн Монголын түүх, нийгмийн байгуулалыг судалдаг бөгөөд энэ удаа Түүхийн тэнхимийн багш нартай хамтран Манжийн үеийн өртөөний тухай судалгаа хийж байгаа юм.
