Хоккайдо их сургуулийн 2019-2020 оны хичээлийн жилийн оюутан солилцооны “JLCSP” хөтөлбөрт урьж байна

Share Button

Японы ХОККАЙДО ИХ СУРГУУЛЬ-ийн  2019-2020 оны хичээлийн жилийн оюутан солилцооны JLCSP (Japanese Language and Culture Studies Program) хөтөлбөрийг зарлаж байна.

Энэхүү хөтөлбөрийн зорилго нь:  (1) Япон хэлний яриа, япон хэлээр судалгаа хийх боломжийг олгохын тулд оюутны япон хэлний мэдлэгийг дээшлүүлэх; (2) Япон судлалын суурь мэдлэг, арга зүйг олж авах, ялангуяа Японы ерөнхий болон хэрэглээний хэл шинжлэлтэй холбоотой; (3) Янз бүрийн хичээлээр дамжуулан Япон хэл, соёлыг гүнзгий ойлгох

Суралцах хугацаа:

  • 1 жил-2019 оны 9 дүгээр сарын 30-аас 2020 оны 8 дугаар сарын 15
  • 6 сар-2019 оны 09 дүгээр сарын 30-аас 2020 оны 2 дугаар сарын 15

 Шаардлага:

  1. МУИС-д япон хэл шинжлэл, японы соёл, урлаг, япон судлалаар суралцдаг бакалаврын 2,3-р түвшний оюутан байх
  2. Голч оноо 3.0
  3. Япон хэлний түвшин тогтоох дундаас дээш шалгалтанд тэнцсэн N3 эсвэл түүнээс дээш түвшинг эзэмшсэн
  4. Харилцааны соёлтой, нээлттэй, суралцах  чин  хүсэл эрмэлзлэлтэй  байх

Бүрдүүлэх материал:

  1. Сургуулийн тодорхойлолт англи хэл дээр
  2. Албан ёсны дүнгийн хуулбар англи хэл дээр
  3. Суралцах төлөвлөгөөг япон хэл дээр бичсэн байх
  4. Япон хэлний түвшинг илэрхийлсэн  батламж
  5. Гадаад пасспортын хуулбар /хүчинтэй хугацаа 6 сараас дээш байна./
  6. 6 сараас хэтрээгүй цээж зураг 2 % ( 4,5 cm × 3,5 cm нэрээ ард нь бичсэн байна.)
  7. Сонгон шалгаруулалтанд тэнцсэн 2 оюутан энэ хөтөлбөрийн тусгай маягтыг бөглөнө.

Хамрагдах оюутны тоо: 2 оюутан

Сургалтын төлбөр,зардал: Бүртгэлийн болон сургалтын төлбөрөөс чөлөөлөгдөнө. Солилцооны 1 оюутан нь Японы ЗГ–ын (MEXT) сар бүр 117,000 иений тэтгэлэгт орох боломжтой. Мөн Японы оюутанг дэмжих байгууллагаас (JASSO) сар бүр 80,000 иений тэтгэлэг авах боломжтой. Хүсэлт гаргагчийн тоо хязгаартай байна.

Хүсэлт хүлээн авах эцсийн хугацаа: 2 дугаар сарын 4-ний өдрийн 17.00 цаг

Хүсэлт  гаргагч нь өөрийн бүрдүүлсэн материалыг  МУИС-ийн хичээлийн II байр 200, 216 тоот Оюутан, төгсөгчийн хэлтэст өөрийн биеэр авчирч өгөх ба өөрийн материалыг нэг багц PDF файл болгон studentaffairs@num.edu.mn хаягаар ирүүлнэ.

Оюутан, төгсөгчийн хэлтэс нь 2019 оны 2 дугаар сарын 12-ны өдөр сонгон шалгаруулалтад тэнцсэн 2 оюутанд мэдэгдэж JLCSP хөтөлбөрийн тусгай маягтыг бөглүүлэхийг анхаарна уу. 2 дугаар сарын 14-ний өдөр МУИС-аас шалгарсан оюутнуудын нэрсийг ХОККАЙДО Их Сургуулийн Оюутан Солилцооны Хөтөлбөрт илгээнэ. Тэнцсэн оюутан онлайн өргөдөл, бусад нэмэлт баримтыг Их Сургуулиас шаардсаны дагуу дахин бүрдүүлэн илгээхийг анхаарна уу.

Website: https://www.global.hokudai.ac.jp/admissions/exchange-student-admissions/ exchange-programs-in-japanese-jlcsp/

ОЮУТАН, ТӨГСӨГЧИЙН  ХЭЛТЭС

Сул хараатай иргэдэд
зориулсан хувилбар
Энгийн хувилбар