МУИС, БШУЯ, Рио тинто хамтран “Нобелийн шагналтан Монголд” цуврал лекцийг зохион байгуулж байгаа билээ. Өмнө нь Нобелийн шагналт, Германы нэрт эрдэмтэн доктор, профессор Клаус Фон Клитцинг, Энэтхэгийн эрдэмтэн, Нобелийн шагналт Р.К.Пачаури, Японы эрдэмтэн, Нобелийн шагналт Тошихидэ Маскава нар хүрэлцэн ирж лекц уншиж байсан бол энэ удаа Нобелийн шагналт, Тайваний нэрт эрдэмтэн Юан Т.Лиг урьсан юм.
Түүнд өнгөрсөн 13-ний өдөр МУИС-ийн Эрдмийн зөвлөлөөс МУИС-ийн Хүндэт доктор цол олголоо.
МУИС-ийн захирал С.Төмөр-Очир Дуурийн театрт болсон проф. Доктор Лигийн “Хүний тогтвортой хөгжлийн талаархи лекцийг нээж хэлсэн үгэндээ ” Мэдээж нобелийн шагналтнууд маань энд ирээд зөвхөн лекц уншаад явах бус өмнө ирсэн эрдэмтэд өөрсдийн шавьтай болсон, мөн эрдэм шинжилгээнийхээ чиглэлээр лаборатори байгуулах зэрэг томоохон ажлуудыг хийхээр төлөвлөөд байгаа.Нобелийн шагналтны амнаас өөрийнх нь нээлт, амжилтынх нь тухай сонсоно гэдэг манай оюутан залуус, багш судлаачдын хувьд их аз юм. Монгол улсаас Нобелийн шагналтан төрөх цаг удахгүй нь гарцаагvй. Тэр цаг хугацааг бид ойртуулж байгаа гэж бодож байна. Нобелийн шагнал нь шинжлэх ухааны оргил. Гэвч тэр өндөрлөгт энгийн хүн хүрч болдог гэдгийг эдгээр эрдэмтдийн цуврал лекц бидэнд харуулж байна. Он гараад дараагийн эрдэмтнээ урихаар төлөвлөөд байгаа” гэсэн юм.
