2021 оны 3 дугаар сарын турш Олон улсын франц хэлний долоо хоногийг тохиолдуулан МУИС-ийн ШУС-ийн ХУС-ын Европ судлалын тэнхим, Франц хэлний монгол багш нарын холбоо, Францын элчин сайдын яам, Монгол-Францын төв, Монгол-Францын найрамдлын нийгэмлэг, Сити их сургууль, Франц дунд сургууль, Улаанбаатарын олон улсын дунд сургуультай хамтран Швейцарийн хөгжлийн агентлаг, Бельгийн элчин сайдын яам, Чехийн элчин сайдын яам, Боловсрол телевиз зэрэг гадаад дотоодын олон байгууллагуудын дэмжлэгтэйгээр Франц хэлтнүүдийн XXII баярыг анх удаа цахим хэлбэрээр амжилттай зохион байгууллаа.
Эл баярын хүрээнд 3 дугаар сарын турш зохион байгуулсан Франц дууны XXII уралдаан, Яруу найраг, Эссэ бичлэг уралдааныг хүүхэд, өсвөр нас, насанд хүрэгчдийн ангиллаар болов.
Энэ удаагийн баярын нэг онцлох үйл явдал бол Франц дууны уралдааны төгсгөлийн шалгаруулалтын тоглолтыг Боловсрол ТВ-ээр орон даяар нэвтрүүлсэн явдал юм.
Түүнчлэн франц хэл, соёлыг түгээх зорилгоор МУИС-ийн Европ судлалын тэнхимийн багш, оюутнууд Франц хоолны дугуйлан, Франц богино хэмжээний киноны фестивалийн онлайн хэлэлцүүлэгт оролцлоо. Мөн Кампус Франсаас зохион байгуулсан Франц хэлтэн орнуудад суралцах боломжийг танилцуулсан Боловсролын цахим үзэсгэлэнд оролцож, хөтөлбөрөө сурталчилсан.
МУИС, ХИС, Монгол Францын төв, Батлан хамгаалахын их сургууль, Франц дунд сургууль, Нийслэлийн 1-р дунд сургууль, Улаанбаатар хотын олон улсын дунд сургууль зэрэг сургуулийн давхардсан тоогоор нийт 120 гаруй суралцагч оролцож авъяас, мэдлэг чадвараа сорив.
Үүнээс МУИС-ийн ШУС-ийн Хүмүүнлэгийн ухааны салбарын Европ судлалын тэнхимийн франц хэлний түвшинйн оюутнууд амжилттай оролцлоо. Тус салбарын франц хэлний 4-р түвшний оюутан Дэлгэрмөнхийн Марал Эссэ бичлэгийн уралдаанд тэргүүлж Франц Улсад аялахэрхийн бичгээр шагнууллаа. Үүнээс гадна бүх тэмцээн уралдаанд оюутнууд дараах амжилтыг гаргажээ.
Франц хэлний дууны уралдаанд:
- 1-р байр : Лхагварэнцэнгийн Намуун, Гэсэрийн Тэмүүлэн МУИС, Европ судлалын тэнхим, франц хэл
- 2-р байр : Одхүүгийн Одчимэг, МУИС
- 3-р байр : Одзаяагийн Хантулга, МУИС-ийн Европ судлалын тэнхим, франц хэл
- 4-р байр : Амартүвшингийн Ариунзаяа, МУИС-ийн Европ судлалын тэнхим, франц хэл
Франц хэлний эссэ бичлэгийн уралдаанд:
- 1-р байр: Дэлгэртогтохын Марал, МУИС-ийн Европ судлалын тэнхим, франц хэл, ФРАНЦАД АЯЛАХ ЭРХИЙН БИЧИГ
- 2-р байр : Санжаагийн Отгонбаяр МУИС Европ судлалын тэнхим, франц хэл
- 5-р байр : Алтанбаярын Буянхишиг МУИС Европ судлалын тэнхим, франц хэл
- Тусгай шагнал: Баярсайханы Ариунтунгалаг, МУИС Европ судлалын тэнхим, франц хэл
Франц хэлний яруу найргийн уран уншлагын уралдаанд:
- 1-р байр: Лхагварэнцэнгийн Намуун
- 2-р байр: Мөнхжаргалын Оюу-Эрдэнэ
- 3-р байр: Чагдаржавын Энхмаа
- 4-р байр: Гэсэрийн Тэмүүлэн
- 5-р байр: Ганболдын Хүслэн
