2020 оны 10 дугаар сараас эхлэн ИТДТ-өөс Оюуны өмчийн газар, “TISC” хөтөлбөрийн дэмжлэгтэйгээр оюуны өмчийн сургалтыг тэнхим, лаборатори, хүрээлэн, төвүүдэд буюу тодорхой зорилтот нэгжүүдэд сонирхсон сэдвээр зохион байгуулж байна. Номын сангаас сар бүрийн сүүлийн баасан гарагт номын санчдаа хөгжүүлэх зорилгоор сургалт, семинар тогтмол зохион байгуулдаг ба 2021 оны 10 дугаар сарын 29-ний өдөр “Оюуны өмч” сургалтыг ИТДТ-тэй хамтран зохион байгууллаа.
Тус сургалтад “МУИС-ийн оюуны өмчийн талаар баримтлах бодлого, журам” сэдвээр ИТДТ-ийн ахлах мэргэжилтэн, Оюуны өмчийн итгэмжлэгдсэн төлөөлөгч Др.Д.Лхагвасүрэн, “Зохиогчийн эрх, зохиогчийн эрхийн талаар номын санд хамаарах асуудлууд” сэдвээр ОӨГ-ийн Зохиогчийн эрхийн хэлтсийн мэргэжилтэн М.Ариунболд нар сургалт орж, номын сангийн үйл ажиллагаанд хамаарах оюуны өмчийн эрхийн асуудлаар хэлэлцүүлэг өрнүүллээ.
Инноваци, технологи дамжуулах төв
