Хөгжлийн бэрхшээлтэй хүний эрхийг хамгаалах Олон улсын өдрийг тохиолдуулан МУИС, Хөгжлийн бэрхшээлтэй хүний хөгжлийн ерөнхий газартай хамтран МУИС-ийн суралцагчдад “Хөгжлийн бэрхшээлийн талаарх ойлголт, хандлагыг нэмэгдүүлэх” сургалт зохион байгууллаа.
Уг сургалтад ХБХХЕГ, ХНОГ-н Судалгаа, шинжилгээ хариуцсан мэргэжилтэн Х.Сансармаа, “Хөгжлийн бэрхшээлийн талаарх ойлголт, хандлага” сэдвээр, Монгол ёс уламжлал судлаач МУИС-н докторант О.Эрдэнэсувд, “Тэжээхүйн ухаан” сэдвээр тус тус сургалтыг хийлээ.
“Хөгжлийн бэрхшээлийн талаарх ойлголт, хандлагыг нэмэгдүүлэх” сургалтын хүрээнд МУИС-д амжилттай суралцаж байгаа хөгжлийн бэрхшээлтэй 4 суралцагчдад сурч боловсроход нь дэмжлэг үзүүлж тэтгэлэг гардууллаа.
Тэтгэлэг хүлээн авсан суралцагчид
- ХШУИС-ийн Програм хангамж хөтөлбөрийн суралцагч Г.Батзориг
- ШУС-НУС-ийн Улс төр судлал хөтөлбөрийн суралцагч А.Сайханцэцэг
- ХЗС-ийн Эрх зүйн ахисан түвшний суралцагч С.Мягмарсүрэн
- ШУС-НУС-ийн Социологи хөтөлбөрийн суралцагч Г. Банзрагч
ОЮУТАН, ТӨГСӨГЧИЙН ХЭЛТЭС
