МУИС болон Ажил олгогч байгууллагуудын хамтын ажиллагааны хүрээнд суралцагчдад ажил мэргэжлийн талаарх ойлголт өгөх, карьер төлөвлөлт, амжилтын талаар мэдлэг, мэдээллийг нэмэгдүүлэх, цагийн болон байнгын ажлын байрт зуучлах зорилготой “Түр ажлын байрны өдөрлөг”-ийг жил бүр уламжлал болгон зохион байгуулдаг билээ.
Энэ хичээлийн жилд МУИС-ийн ОТХ, Франкофон карьер хөгжлийн төв хамтран зохион байгуулж “Карьер хөгжил-манлайлал”-ын сургалтыг хагас танхимын дүүргэлттэй, онлайн гэсэн хэлбэрээр зохион байгуулж суралцагчид ажил хөдөлмөрт өөрийгөө бэлтгэх, ажлын байрны ярилцлагад хэрхэн оролцох болон CV бөглөх, хувь хүний хөгжлийн сургалтуудаас мэдээлэл авлаа.
Мөн 2021.11.30-ны өдөр Монголын томоохон ажил олгогч 27 ААН-ийн 30 гаруй хүний нөөцийн мэргэжилтнүүдтэй уулзалт хийж сургалт зохион байгуулан, МУИС-ийн цахим хуудсанд хөдөлмөр эрхлэлтийн үйлчилгээний цэсийг хэрхэн нэвтрүүлэх талаар танилцуулж, ажил олгогчдын түр ажлын байрны санал, цаашдын хамтын ажиллагаа, ажилд зуучлах үйлчилгээг хялбаршуулах, хугацаа алдахгүй байх арга зам, хүний нөөцийн хөгжлийн чиг хандлага зэргийг ярилцаж санал солилцлоо.
Харин одоо 30 гаруй ажил олгогчдын байнгын болон түр ажлын байрыг 2021.12.17-ны өдөр суралцагчдад зарлахаар ажиллаж байна.
Оюутан, төгсөгчийн хэлтэс
