2022.02.26-нд Монгол Улсын Их Сургуулийн удирдлага, баг бүрэлдэхүүн Орхон аймагт ажиллаж, хамтран ажиллах санамж бичиг байгууллаа.
Орхон аймагтай байгуулсан санамж бичгийн зорилго нь Талууд хамтран эрдэм шинжилгээ, судалгаа, инновацийн хамтын ажиллагаа, түншлэлийг өргөжүүлэх, орон нутгийг хөгжүүлэх кластерийн санаачилга боловсруулах, Аймгийн төрийн болон төрийн бус байгууллагын удирдлага, албан хаагчид, ЕБС-ийн багш, ахлах ангийн сурагчдад зориулсан сургалт зохион байгуулах, судалгааны төсөл, хөтөлбөр хэрэгжүүлэх, аймагт нэн шаардлагатай мэргэжлүүдээр МУИС-ийн ахисан түвшний сургуульд суралцуулах, тэтгэлэг олгох, МУИС-ийн ахмад багш, профессоруудыг аймагт эрдмийн элчээр ажиллуулах, Аймгаас МУИС-д элсэгчдийн тоог нэмэгдүүлэх, төгсөгчдийг орон нутагт нь ажлын байраар хангахад дэмжлэг үзүүлэх, төр-их сургууль-үйлдвэрийн хамтын ажиллагааг өргөжүүлэхэд оршино.
Түүнчлэн талууд “Тэрбум мод” үндэсний хөдөлгөөний хүрээнд тухайлсан эрдэм шинжилгээ, судалгааны ажил, төсөл, хөтөлбөр хэрэгжүүлэх, ойн мэргэжлийн хүний нөөцийг төвийн болон Эрдэнэт салбар сургуульдаа бэлтгэхэд хамтран ажиллах юм.
Хамтын ажиллагааны хэлтэс
