МУИС-ийн ШУС-ийн ХУС-ын Гадаад хэлний хөтөлбөрийн магистрант, докторантын эрдэм шинжилгээний хуралд урьж байна

Share Button

Гадаад хэл шинжлэл”, “Гадаад хэлний орчуулга”, “Гадаад хэлний боловсрол”, “Олон улс-орон судлал” хөтөлбөрийн магистрант, докторант та бүхнийг ШУС-ийн ХУС-аас зохион байгуулж буй эрдэм шинжилгээний хуралд урьж байна.  Эрдэм шинжилгээний хурал 2022 оны 4 дүгээр сарын 14-ны Пүрэв гарагийн 14:00 цагт цахимаар болно. Хурлын цахим холбоосыг жич мэдэгдэнэ.

Хуралд оролцох хүсэлт, илтгэлийн сэдэв ба хураангуйг 2022 оны 3 дугаар сарын 31-нд, эрдэм шинжилгээний илтгэлийг *.doc, *.docx өргөтгөлд хадгалж, давхар *.pdf байдлаар 2022 оны 4 дүгээр сарын 7-ны өдрөөс өмнө <erdenenaran@num.edu.mn> хаягаар ирүүлнэ үү. Хугацаа хоцорсон илтгэлийг хүлээж авахгүй болохыг мэдэгдье.

Илтгэлийн шаардлага:

  1. Илтгэлийн сэдэв нь хэл шинжлэл, орчуулгазүй, боловсрол судлал, олон улс-орон судлалын чиглэлийг хамарсан байх;
  2. Хэлэлцүүлж буй илтгэл нь шинжлэх ухааны аргазүйгээр бичсэн, олон талын үзэл баримтлал, байр суурийг харьцуулан анализ хийж, дүгнэлт гаргасан байх;
  3. Судалгаандаа шинэлэг арга зүйг ашигласан байх;
  4. Илтгэгчийн нэр, суралцагчийн дугаар, суралцаж буй хөтөлбөр, хаяг, холбоо барих утас, сэдэв батлуулсан бол удирдагчийн зэрэг, цолыг тодорхой бичиж ирүүлэх
  5. Илтгэл тавин хэлэлцүүлэхдээ *.ppt, *.pptx-д үзүүлэн бэлтгэн оролцоно.

Илтгэлийн техник шаардлага:

  • А4 цаасан дээр 7-10 хуудас бүхий,
  • Үсгийн фонд Тimes New Roman, Үсгийн хэмжээ (Size) 12, мөр хоорондын зай (Line Space) 1.5, Мэдээллийн эх сурвалж, ашигласан ном, материалын жагсаалт, эшлэл зүүлт бүхий,
  • Хүснэгт, зураг, график, slide show бүхий байж болно.

Жич:

  • ХУС-ын гадаад хэлний хөтөлбөрийн судалгааны магистрант, докторант суралцах хугацаандаа эл эрдэм шинжилгээний хуралд хамгийн багадаа 1 удаа илтгэл хэлэлцүүлж оролцсон байна.
  • МУИС-ийн холбогдох журмын дагуу эрдэм шинжилгээний 1 багц цаг тооцно.

МУИС-ийн ШУС-ийн ХУС-ын

Гадаад хэлний салбар дундын хөтөлбөрийн хороо

2022 оны 3 дугаар сарын 15

Сул хараатай иргэдэд
зориулсан хувилбар
Энгийн хувилбар