МУИС-ийн ХШУИС-ийн Хүрээлэн буй орчин, ойн инженерчлэлийн тэнхимийн Хүрээлэн буй орчин судлал, Ойн аж ахуй, Хүрээлэн буй орчны инженер хөтөлбөрүүдийг танилцуулах, сурталчлах өдөрлөг 2022 оны 3 дугаар сарын 31-ний өдөр МУИС-ийн 1-р байрны арын талбайд амжилттай боллоо.
Сүүлийн жилүүдэд ковидын улмаас хөтөлбөр сурталчлах өдөрлөг цахим байдлаар зохион байгуулагдсан тул энэ жилийн үйл ажиллагааг багш, оюутнуудыг идэвхтэй хамруулан, сургуулийн гадаа талбайд өдөрлөг байдлаар зохион байгуулсан юм.
“Ойн аж ахуй”, “Хүрээлэн буй орчин судлал”, “Хүрээлэн буй орчны инженер” хөтөлбөрийн багш, оюутнууд өөрсдийн хийж буй судалгааны ажил болон багаж тоног төхөөрөмжөө танилцуулж, зарим туршилтыг гардан үзүүлсэн ба хээрийн болон үйлдвэрлэлийн дадлагын онцлогийг танилцуулж, нийт 600 гаруй хүнд хөтөлбөрөө сурталчлан таниулав.
Мөн хөтөлбөртэй холбоотой ном, сурах бичиг, гарын авлага, судалгааны бүтээл болон өмнөх жилүүдийн хээрийн дадлага, үйлдвэрлэлийн дадлагын тайлан үзүүлэн материалуудыг дэлгэн танилцуулсан ба хөтөлбөрийн танилцуулга тараах материалаа нэрийн хуудасны хэмжээтэй, дэлгэрэнгүй мэдээллээ багтаан QR код ашигласан, цаас хэмнэсэн байдлаар бэлдэж тараасан нь онцлог байлаа. Түүнчлэн тус өдөрлөгт ирсэн хүмүүсээс хаягдал зай, цаас, гялгар уут зэрэг хаягдлыг ангилан авч, чихэр, усаар солин өгч бяцхан болов урамшуулах үйл ажиллагааг зохион байгууллаа.
Тус өдөрлөгт идэвхтэй хамрагдсан багш, оюутнууддаа тэнхимийн зүгээс талархал илэрхийлж, сурлага хөдөлмөрийн өндөр амжилт хүсье.
Хүрээлэн буй орчин, ойн инженерчлэлийн тэнхим
