МУИС-ийн ОУХНУС-ийн Нийтийн удирдлагын тэнхимээс уламжлал болгон зохион байгуулдаг “Нийтийн Удирдлагын долоо хоног” үйл ажиллагааг 4 дүгээр сарын 8-15-ны өдрүүдэд зохион байгуулж байна.
“Нийтийн удирдлагын долоо хоног” үйл ажиллагааны нээлт 4 дүгээр сарын 8-ны өдрийн 11:00 цагт МУИС-ийн хичээлийн V байранд боллоо. Нийтийн удирдлагын тэнхимийн эрхлэгч Дэд. Проф. Др. Г.Баасанжав арга хэмжээг нээж, амжилт хүслээ. “Нийтийн Удирдлагын долоо хоног” арга хэмжээний хүрээнд Үндэсний зөвлөгөөн, эрдэм шинжилгээний хурал, их семинарууд зэрэг үйл ажиллагаанууд зохион байгуулагдана.
Нээлтийн үйл ажиллагаанд Төрийн удирдлагын 2-р түвшний оюутан Ц.Мөнххүлэг морин хуурын аялгуу эгшиглүүлж Нийтийн Удирдлагын Тэнхимийн багш нар, Мини Парламент клубийн гишүүд болон ОУХНУС-ийн оюутнууд оролцлоо.
“Нийтийн удирдлагын долоо хоног” арга хэмжээнд өргөнөөр оролцохыг урьж байна.
Нийтийн Удирдлагын Тэнхим
