Өнөөдөр /2022.04.16/ “Оюутан цэрэг” хөтөлбөрт хамрагдаж буй МУИС-ийн оюутнуудтай Батлан хамгаалахын сайд Г.Сайханбаяр, Боловсрол, шинжлэх ухааны сайд Л.Энх-Амгалан, МУИС-ийн захирал Б.Очирхуяг болон холбогдох албаны хүмүүс уулзаж танхимын сургалттай танилцлаа.
Уулзалтад Батлан хамгаалахын сайд Г.Сайханбаяр, Боловсрол, шинжлэх ухааны сайд Л.Энх-Амгалан нар оюутан цэргүүдэд хандан хэлсэн үгэндээ цэргийн алба хаах нь эр хүн болсны нэгэн бахархал гэдгийг онцлоод цаашид “Оюутан цэрэг” хөтөлбөрт хамрагдах оюутны тоог нэмэгдүүлэхээр ажиллаж байгааг тэмдэглэв.
МУИС-аас “Оюутан цэрэг” хөтөлбөрт хамрагдах оюутны квотыг жил бүр нэмэгдүүлж байгаа бөгөөд уг хөтөлбөрт 2022 онд 124 оюутан хамрагдаж танхимын сургалтууд эхэлсэн.
Оюутан цэрэг хөтөлбөрийн танхимын сургалтад хамрагдаж буй МУИС-ийн зарим суралцагч уулзалтын үеэр сэтгэгдлээ хуваалцаж, Оюутан-цэрэг хөтөлбөрт хамрагдаж буйдаа баяртай байгаагаа илэрхийлж байсан юм.
ОЮУТАН, ТӨГСӨГЧИЙН ХЭЛТЭС
