“Geant4-Geant4/DNA тооцоо-дүрслэлт туршилт” сургалтад оюутан залуус, судлаачдыг урьж байна 

Share Button

Аливаа бүтээх үйлийг хиймэл оюун ухаанаар  хөтөлж, ухаалаг машинаар гүйцэтгэх эрин ирлээ. Юмс, үзэгдлийг квант болон динамик хуулиар математик хэл дээр буулгана. Тооцоо-дүрслэлт туршилт судалгаагаар шинэ зүй тогтлыг төлөглөн зурагладаг. Сүүлийн үед физик, байгалийн ухааны хууль, арга зүй нь компьютерын ой санамжид бүрэн шингэж, даалгасан үйлдлийг гүйцэтгэгч багц программд хувирлаа. GEANT4-GEANT4/DNA бол атом, молекулын төвшинд виртуал туршилт үйлдэх цогц программ юм. Атом, молекул, эс, тунамал орчин, хар нүх хүртэл юмс, хувирлын тооцоо-дүрслэлт туршилтыг тус программаар судалж байна. 

GEANT4-GEANT4/DNA тооцоо-дүрслэлт туршилтын лабораторийг дэлхийн 100 гаруй судалгааны төвд хэрэглэж байна. МУИС-ШУС-ийн Физикийн тэнхим болон ШУА-ийн Физик, технологийн хүрээлэнд тус судалгаа, сургалтын лаборатори бий.  

Эсийн төвшний судалгаа, хэрэглээний шинэлэг арга барилд суралцах хүсэлтэй оюутан залууст GEANT4-GEANT4/DNA тооцоо-дүрслэлт туршилтын, арга зүйг эзэмшүүлэхэд тус сургалтын зорилго оршино.  

Жич: Хураамжтай бөгөөд эхний уулзалтаар төлбөр, сургалтын агуулга, хугацааны хуваарийн талаар ярилцаж харилцан тохиролцоно. Сургалт 5-р сарын дундуур эхлэх ба 3 долоо хоногийн хугацаанд явагдана. 

Иймд оролцох хүсэлтэй хүмүүс 5-р сарын 10-ны дотор ШУА-ийн ФТХ-ийн ЭША Т.Тогтохтөртэй холбогдоно уу. 

 

Зохион байгуулагч байгууллагууд:

ШУА-ийн Физик, технологийн хүрээлэн

МУИС-ШУС-ийн Физикийн тэнхим

И-мэйл хаяг: togtokhtur_t@mas.ac.mn 

Холбогдох утас: 91157215, 98000224

Сул хараатай иргэдэд
зориулсан хувилбар
Энгийн хувилбар