“МУИС-ИЙН ОЮУТАН МОНГОЛЫН ИРЭЭДҮЙ”
ОЮУТНЫ БҮТЭЭЛИЙН УРАЛДААНЫ УДИРДАМЖ
Агуулга: МУИС-ийн 80 жилийн ойн хүрээнд МУИС-ийн оюутан суралцагчийн соёлыг нийгэмд таниулан түгээх нийт суралцагч, оюутны клубүүдийн дунд зохион байгуулагдаж буй “МУИС-ийн оюутан Монголын ирээдүй” сэдэвт цахим контентийн уралдаан.
Зорилго: МУИС-ийн түүхт 80 жилийн ойн агуулга, түүхэн он цаг, соёл, орчин, бүрэлдэхүүн болон салбар сургууль, хөтөлбөр, мэргэжлийн онцлог, оюутны нэг өдрийг харуулсан шинэ шинэлэг өнгө төрх бүхий гэрэл зургийн агшинд буулгах, видео бичлэг хийх замаар МУИС-ийг олон нийтэд сурталчлахад оршино.
Уралдаанд оролцсон шилдэг бүтээлүүдээр цахим зургийн цомог хийн нийтэд түгээнэ.
Хэзээ
Гэрэл зургийн уралдаан – 2022.09.12 – 09.22-ны өдрийн 12:00 цаг хүртэл
Шилдэг влог шалгаруулах уралдаан – 2022.09.12 – 09.22-ны өдрийн 12:00 цаг хүртэл
Эссэ бичлэгийн уралдаан – 2022.09.12 – 09.22-ны өдрийн 17:00 цаг хүртэл
Хамрах хүрээ: МУИС-д суралцаж буй нийт суралцагчид
Сэдэв: “МУИС-ийн оюутан Монголын ирээдүй, МУИС-ийн түүхэн он цаг” ерөнхий сэдэвтэй байна.
Уралдааны төрөл:
1) Гэрэл зургийн уралдаан (2 төрөл)
2) Шилдэг влог шалгаруулах уралдаан
3) Эссэ бичлэгийн уралдаан
Уралдааны ерөнхий удирдамж
“МУИС-ийн орчин, миний амьдрал” сэдэвт Гэрэл зургийн уралдаан
- Уралдааны төрөл : Шилдэг гэрэл зураг төрөл, Шилдэг селфи төрөл
- Үргэлжлэх хугацаа : 2022.09.12-2022.09.22
МУИС-ийн соёл, оюутны нэг өдрийг харуулсан Шилдэг влог шалгаруулах уралдаан
“МУИС-ийн оюутан Монголын ирээдүй, МУИС-ийн 80 жилийн ой” сэдэвт эссэ бичлэгийн уралдаан
Үргэлжлэх хугацаа: 2022.09.12-2022.09.22
Шагналын сан
Гэрэл зургийн уралдаан
1-р төрөл: Гэрэл зураг
- Тэргүүн байр 1 баг: өргөмжлөл, мөнгөн шагнал – 1,000.000 ₮
- 2-р байр 1 баг: өргөмжлөл, мөнгөн шагнал – 500.000 ₮
- 3-р байр 1 баг: өргөмжлөл, мөнгөн шагнал – 300.000 ₮
- Тусгай байр: өргөмжлөл, мөнгөн шагнал – 100,000 ₮
2-р төрөл: Селфи
- Тэргүүн байр 1 баг: өргөмжлөл, мөнгөн шагнал – 300.000 ₮
- 2-р байр 1 баг: өргөмжлөл, мөнгөн шагнал – 200.000 ₮
Шилдэг влог шалгаруулах уралдаан
- Тэргүүн байр 1 баг: өргөмжлөл, мөнгөн шагнал – 2.000.000 ₮
- 2-р байр 1 баг: өргөмжлөл, мөнгөн шагнал – 1,000.000 ₮
Эссэ бичлэгийн уралдаан
- Тэргүүн байр: өргөмжлөл, мөнгөн шагнал – 800.000 ₮
- 2-р байр: өргөмжлөл, мөнгөн шагнал – 600.000 ₮
- 3-р байр: өргөмжлөл, мөнгөн шагнал – 400.000 ₮
Уралдаанд оролцох заавар
- Гэрэл зураг, влог хийх уралдаанд ганцаарчилсан төрлөөр, анги хамт олон, клуб, багаараа оролцож болох ба 1 оролцогч хэдэн ч бүтээлээр оролцож болно.
Бүтээлийн нөхцөл ба шалгуур
- Бүтээлийн зохиомж, агуулга, ур чадвар, бүтээлийн нэр, тайлбар, тухайн бүтээл чанарын шаардлага хангасан эсэхийг харгалзан шүүнэ;
- Зохиогчийн эрх зөрчөөгүй байх;
- Бүтээлд МУИС-ийн 80 жилийн ойн утга агуулгыг тусгасан байх;
Зохиогчийн эрх
- Уралдаанд ирүүлсэн бүтээлийг цаашид ном, сэтгүүлд хэвлэх, сурталчилгааны ажилд ашиглах эрхийг МУИС-д үлдээхийг зохиогч зөвшөөрсөн байна.
Шалгаруулах зарчим
- Гэрэл зураг, шилдэг влогийн уралдаанд ирүүлсэн бүтээлийг шүүгчдийн бүрэлдэхүүн шалгаруулна.
- Гэрэл зураг, шилдэг влог шалгаруулах уралдаанд оролцогчдын бүтээлийг МУИС-ийн албан ёсны Facebook хуудаст 2022.09.22-ний өдрийн 12:00 цагаас 2022.09.26-ны өдрийн 09:00 цаг хүртэл байршуулан хамгийн их хандалт (like, share) авсан бүтээлүүдийг шүүлтийн шалгуур үзүүлэлт болгоно.
- Эссэ бичлэгийн уралдаанд ирүүлсэн эссэг шүүгчдийн бүрэлдэхүүн шалгаруулна.
Бүтээл хүлээн авах: Уралдаанд оролцогчид өөрийн бүтээлээ bilguunts@num.edu.mn цахим шуудангийн хаягаар ирүүлнэ үү.
Оюутан, төгсөгчийн хэлтэс
