НҮБ-ын Ерөнхий Ассамблейн шийдвэрээр жил бүрийн 06 дугаар сарын 23-ны өдөр тэмдэглэдэг “Олон улсын төрийн албаны өдөр”-ийг тохиолдуулан Төрийн албаны зөвлөл болон НҮБ-ын Хөгжлийн хөтөлбөртэй хамтран хэрэгжүүлж буй “Монгол Улсад мэргэжлийн, иргэн төвтэй төрийн албыг бэхжүүлэх нь” төслөөс бакалаврын түвшний оюутнуудын дунд “Итгэл хүлээсэн төрийн албан хаагч” сэдэвт эсээ бичлэгийн уралдаанд МУИС-ийн ОУХНУС-ийн Төрийн удирдлагын хөтөлбөрийн IV түвшний оюутан Х.Баянмөнх тэргүүн байр эзэлсэн байна.
Төрийн албаны зөвлөлийн дарга Б.Баатарзориг, ТАЗ-ийн Сургалт судалгаа, мэдээллийн нэгдсэн сангийн газрын дарга Ж.Эрдэнэбат, НҮБ-ын “Монгол Улсад мэргэжлийн, иргэн төвтэй төрийн албыг бэхжүүлэх нь” төслийн зөвлөх, доктор Д.Дэмчигсүрэн төлөөлөлтэй баг бүрэлдэхүүн 2022 оны 09-р сарын 02-ны өдөр ОУХНУС-ийн сургуульд зочлон оюутан Х.Баянмөнхөд компьютер, принтер,“Болор дуран” программын хамт гардууллаа.
Төрийн албаны зөвлөлийн дарга Б.Баатарзориг төрийн албаны шинэтгэлд Z үеийнхний оролцоо чухал болохыг онцлон оюутнуудад сурлагын амжилт хүслээ. Тус үйл ажиллагаанд Олон улсын харилцаа, нийтийн удирдлагын сургуулийн захирал Проф. Др. Ж.Баттогтох, Проф. Др. Н.Бурмаа, Нийтийн удирдлагын тэнхимийн эрхлэгч Дэд Проф. Др. Г.Баасанжав, багш Т.Ганчимэг нар оролцлоо.
Төрийн удирдлагын хөтөлбөрийн IV түвшний оюутан Х.Баянмөнхдөө тэргүүн байр эзэлсэнд баяр хүргэж сурлага, эрдмийн бүтээлийн өндөр амжилт хүсье.
Нийтийн Удирдлагын Тэнхим
