Хичээлийн шинэ жил эхэлж байгаатай холбогдуулан их, дээд сургуулийн оюутан, залуучуудад өөрийгөө болон бусдыг аливаа осол, гэмтэл, болзошгүй эрсдэлээс хамгаалах, гэмт хэрэг, зөрчилд өртөж хохирох, холбогдохоос урьдчилан сэргийлэх, тэдний хууль, эрх зүйн мэдлэг боловсролыг дээшлүүлэх зорилгоор алба, нэгж, нутаг дэвсгэр хариуцсан цагдаагийн байгууллагын удирдах албан тушаалтай алба хаагчид сургалт орж байгаа юм.
МУИС-д шинээр элссэн, ерөнхий суурь хөтөлбөрийн суралцагсдад Сүхбаатар дүүрэг дэх Цагдаагийн нэгдүгээр хэлтсийн урьдчилан сэргийлэх ажил хариуцсан ахлах мэргэжилтэн, цагдаагийн хошууч П.Дэлгэрмаа болон 8 дугаар хороо хариуцсан цагдаа, цагдаагийн ахлах ахлагч Б.Болдсайхан нар Монгол Улсын Зөрчлийн тухай хууль болон холбогдох бусад хууль, тогтоомжийн хүрээнд гэмт хэрэг, зөрчлөөс урьдчилан сэргийлэх, архи, тамхины хор уршигийн талаар яриа, таниулга хийв.
Суралцагсдад зориулсан хууль, эрх зүйн сургалт, мэдээлэл, яриа таниулга цувралаар үргэлжлэн явагдана.
ОЮУТАН, ТӨГСӨГЧИЙН ХЭЛТЭС
