Хэрэглээний шинжлэх ухаан, инженерчлэлийн сургуулийн Мэдээлэл, Компьютерийн ухааны тэнхимээс оюутнуудаа чадавхжуулах зорилгоор олон улсад МХХТ-ийн салбарт баялаг туршлагатай хүмүүсийг урьж сонирхолтой яриа, семинарыг тогтмол явуулахаар төлөвлөж байгаа билээ. Энэ чиглэлийн хүрээнд Шинэ Зеландын “Aware” группийн гүйцэтгэх захирал Брэндон Хатчесоныг урьсан юм.
Хатчесоны тухай товч дурдвал:
- Microsoft Partner of the Year | Malaysia 2022
- Microsoft Partner Award – New Zealand | Winner | Digital and Application Innovation Award 2021
- Microsoft Partner Awards – New Zealand | Finalists | 4x Awards
- Microsoft Data and Insights Award – Cat 4 | USA 2018
- Ageing Asia Pacific Eldercare Innovation Award | 2021
- Deloitte Rising Star Award – Central North Island 2018
- Vodafone Xone – 2018
- Microsoft Excellence Award in Technology Delivery 2018
- бусад
Брэндон Хатчесон нь “Хиймэл оюун нэвтрүүлтэд тулгарч буй бодит сорилтууд ба таны шийдвэр түүнд нөлөөлөх нь” сэдвээр оюутнуудад лекц уншиж, оюутнуудын сонирхсон асуултуудаар нээлттэй ярилцлага хийлээ.
Тэрбээр технологийн хөгжил, тэр дундаа хиймэл оюуны хэрэглээ аль ч оронд эрчимтэй нэвтэрч байгаа ба улс орны хууль, эрх зүй энэхүү хиймэл оюуны технологийн хөгжлийг гүйцэж түрүүлэхэд төвөгтэй байдаг. Тиймээс хиймэл оюуны хэрэглээг хууль, эрх зүйгээр бүрэн зохицуулах боломжгүй үед түүнийг суртахуунтайгаар хэрэглэхэд хувь хүний оролцоо чухал байдгийг онцолж тодорхой жишээнүүд дурдлаа. Хиймэл оюуны хэрэглээ нь үйлдвэрлэлийн салбараас эхлээд цэрэг армид хүртэл ашиглах болсон өнөө үед түүнийг ёс суртахуунтайгаар зөв зохистой ашиглах нь чухал юм. Төгсгөлд нь манай оюутан, залуус өөрсдийн сонирхсон асуултад хариулт авсан үр дүнтэй уулзалт болов.
Мэдээлэл, компьютерийн ухааны тэнхим
