МУИС-ийн ОУХНУС-ийн Нийтийн Удирдлагын тэнхимээс уламжлан зохион байгуулдаг “Нийтийн Удирдлагын долоо хоног” арга хэмжээ 2022 оны 10 дугаар сарын 17-24-ний өдрүүдэд зохион байгуулж байна.
Энэхүү үйл ажиллагааны нээлт 2022 оны 10 дугаар сарын 17-ны өдрийн 11:00 цагт МУИС-ийн хичээлийн V байранд болж Нийтийн удирдлагын тэнхимийн эрхлэгч Дэд Проф. Др. Г.Баасанжав нээн, долоо хоногийн арга хэмжээнд амжилт хүслээ. “Нийтийн Удирдлагын долоо хоног” арга хэмжээний хүрээнд олон улсын эрдэм шинжилгээний хурал, зочин илтгэгчийн лекц, best paper award шилдэг судалгааны бүтээл шалгаруулах зэрэг үйл ажиллагаанууд зохион байгуулагдана.
Нээлтийн үйл ажиллагаанд Нийтийн удирдлагын тэнхимийн эрхлэгч Дэд Проф. Др. Г.Баасанжав, зочин профессор Prof. Dr. Dr. h.c. John Duffy болон тэнхимийн багш нар, Мини Парламент клубын гишүүд болон оюутнууд оролцов.
Нийтийн Удирдлагын Тэнхим
