2022-2023 оны намрын улиралд МУИС-ийн Монгол хэлний бэлтгэл, бакалавр, магистр болон докторын хөтөлбөрт шинээр элсэн суралцаж буй гадаад оюутнуудад зориулсан чиглүүлэх өдөрлөг зохион байгууллаа. Тус өдөрлөгт МУИС-д суралцаж буй Япон, ОХУ, Хятад /БНХАУ/, Чех, Польш, Лаос /БНАЛАУ/, БНСУ, Итали, Тайланд, Тайвань, Танзания, Кени, Франц, Индонез, Герман зэрэг гадаадын 25 улсын 70 гаруй оюутнууд оролцсон юм.
ОТХ –ийн дарга доктор М.Эрдэнэчимэг өдөрлөгийг нээж үг хэллээ.
Өдөрлөгийн үеэр Оюутан, төгсөгчийн хэлтсийн гадаад оюутан, оюутан солилцоо хөтөлбөр хариуцсан мэргэжилтэн Б.Буянханд, Т.Мичидмаа нар нь Монгол Улсын виз, оршин суух зөвшөөрөл хэрхэн авах, гадаадын иргэн харьяатын эрх зүйн байдлын тухай хуулийн холбогдох зүйл заалтуудын ерөнхий мэдээлэл өгөх, дотуур байр, оюутны үнэмлэх, автобусны карт хэрхэн авах талаархи цогц мэдээллийг, чиглүүлэх оюутан хөтөлбөрийн тухай мэдээллийг өглөө.
Мэргэжилтэн Б.Буянханд, Т.Мичидмаа нар танилцуулга хийж байна.
Элсэлт, бүртгэлийн хэлтсийн мэргэжилтэн Э.Энхтамир, ахлах мэргэжилтэн Р.Алтансайхан нар гадаад иргэний элсэлтийн журам, хөтөлбөр, хувийн төлөвлөгөөг хэрхэн зохиох болон хичээл сонголт баталгаажуулалтын тухай мэдээлэл өгөв.
ЭБХ-ийн гадаад элсэгчид хариуцсан мэргэжилтэн Э.Энхтамир
ЭБХ –ийн хичээл бүртгүүлэлт хариуцсан ахлах мэргэжилтэн Р.Алтансайхан
Мэдээллийн технологийн газрын мэргэжилтэн Г.Нэмүүлэн болон У.Цэцэгжаргал нар Сиси сургалтын системийн хэрэглээ болон цахим шууданг ашиглах заавар зааварчилгаа, Номын санч М.Золбоо номын сангийн орчин, хэрэгцээг танилцуулсан бөгөөд МУИС-ийн эмч З.Гаравсүрэн МУИС-ийн эмнэлгээс үзүүлэх эрүүл мэндийн үйлчилгээ зэрэг шаардлагатай мэдээллийг өгч нийт мэргэжилтнүүд оюутнуудын сонирхсон асуултад хариуллаа.
Чиглүүлэх өдөрлөгт Сүхбаатар дүүргийн 8-р хорооны хэсгийн байцаагч цагдаагийн дэслэгч н.Тэнгисболд хүрэлцэн ирж Монгол Улсад түр оршин суухад холбоотой хууль дүрэм, гэмт хэргээс урьдчилан сэргийлэх, гэмт хэргийн хохирогч болохгүй байх зэрэгт зөвлөгөө өгөв.
СБД –ийн 8-р хорооны хэсгийн байцаагч цагдаагийн дэслэгч н.Тэнгисболд
Мөн Оюутны холбооны төлөөлөгчид өдөрлөгт оролцож Оюутны холбоо, Оюутны конгрессын тухай товч танилцуулга хийж гадаад иргэдийн идэх дуртай “Хуушуур хайрах” нэртэй хөгжөөнт тоглоом тоглов.
Хуушуур хайрах хөгжөөнт тоглоом тоглож байгаа нь.
Оюутны холбоо цаашид суралцагч гадаад оюутнуудад чиглэсэн үйл ажиллагааг танилцуулж оюутны клубуудэд гишүүнчлэлээр элсүүлж Монгол оюутнуудтай хамтран олон талд сайн үйлсийн ажил, урлаг спортын уралдаан тэмцээн зохион байгуулах саналтай байгааг танилцууллаа.
ОЮУТАН, ТӨГСӨГЧИЙН ХЭЛТЭС
