Осакагийн их сургуулиас зарлаж буй видео бичлэгийн уралдаанд урьж байна

2022-10-21

Монгол Улсын Их Сургуулийн нийт суралцагчдыг Японы Осакагийн их сургуулиас зарлаж буй видео бичлэгийн уралдаанд оролцохыг урьж байна. Осакагийн их сургуулиас “Тогтвортой хөгжил дэх оюутны оролцоо” хэмээх сэдвийн дор хамтын ажиллагаатай олон улсын их дээд сургуулиудын оюутнуудын дунд видео бичлэгийн уралдаан 2 дахь жилдээ зохион байгуулж байна. 2021 онд 10 улсын 19 их дээд сургуулиас 69 бичлэг хүлээж авснаас МУИС-ын нэг оюутан тусгай шагнал авсан билээ. Энэ жил мөн адил та бүхнийг өөрт болон нийгэмд тулгардаг бэрхшээлийг 3 хүртлэх видеод харуулж шинэ санаа, сэдэл эрэлхийлэхийг урьж байна.

Шагнал:

Нэгдүгээр байр: 100,000иэн буюу 2,300,000 орчим төгрөг бүхий шагнал

Шилдэг санаа, шилдэг бүтээлийн шагнал болон тусгай байрын шагнал бий.

Нийт оролцогчдод Осакагийн их сургуулийн дижитал сертификат олгоно.

Шилдэг видеог 12 дугаар сарын 16-нд зохион байгуулах Оюутны Форумд танилцуулан шагналын эзнийг тодруулна.

Шаардлага:

МУИС-ийн оюутан байх
Уралдаанд ганцаарчлан болон багаараа оролцох боломжтой. Багийн ахлагч нь МУИС-ын оюутан бол бусад гишүүд өөр сургуулийн оюутан байж болно.

Видеонд тавигдах шаардлага:

1-3 хүртлэх минутын хугацаатай байна
Бичлэг Англи эсвэл Япон хэл дээр байх. Хэрэв Монгол хэл дээр бол англи хадмал орчуулгатай байж болно

Бүртгүүлэх:

2022 оны 11 дугаар сарын 13 хүртэл уралдаанд оролцох багаа дараах хаягаар орж бүртгүүлнэ. https://forms.office.com/r/WRriYFPyAv
2022 оны 11 дугаар сарын 16 хүртэл видео болон бусад шаардлагатай материалаа хүргүүлнэ.

Бүрдүүлэх материалын жагсаалтанд Оюутнуудын бүртгүүлсэн и-мэйл хаяг руу ОИС-иас линк явуулах тул дараах материалыг тус линкээр явуулна уу.

Видео (MP4, MOV)
Дараах мэдээлэл бүхий Word file

- - Видеоны нэр
  - Видеоны товч танилцуулга: (Англи (100 үгт багтаах) эсвэл Японоор (200 үсэгт багтаах)
  - Багийн нийт оролцогчдын мэдээлэл (Их сургуулийн нэр, салбар сургууль, тэнхим, курс, иргэншил)
  - Багийн ахлагчийн холбоо барих хаяг (и-мэйл хаяг,шуудангийн хаяг)
- Видеоны зураг (photo thumbnail) (16:9 харьцаатай)

Loading...