МУИС-ийн Оюутан, төгсөгчийн хэлтэс Боловсрол, сэтгэл судлалын тэнхимийн ахлах түвшний суралцагчидтай хамтран Дэлхийн сэтгэцийн эрүүл мэндийн өдрийг тохиолдуулан “Mental Care Day” өдөрлөгийг 10 дугаар сарын 17-ны өдөр амжилттай зохион байгууллаа.
Тус өдөрлөгийн үеэр MBTI, дуусаагүй өгүүлбэрийн арга, архетип оношилгооны тест болон зарим проектив тестүүдийг ашиглан хүрэлцэн ирсэн 700 гаруй суралцагчдын бие хүний онцлог, сэтгэл хөдлөлийн чадамж, амьдралд хандах хандлага, мэргэжил сонголт зэргийг тодорхойлов.
Түүнчлэн Боловсрол, сэтгэл судлалын тэнхимийн багш Х.Сайнсанаа суралцагчдын сэтгэцийн эрүүл мэндэд эерэг нөлөөтэй “Хил хязгаараа хэрхэн хамгаалах вэ?” сэдэвт сургалтыг орлоо.
ОЮУТАН, ТӨГСӨГЧИЙН ХЭЛТЭС
