НҮБ-ын Ерөнхий Ассамблейн 2012 оны 11 дүгээр сарын 28-ны өдрийн тогтоолоор жил бүрийн 3 дугаар сарын 21-ний өдрийг “Олон Улсын Ойн Өдөр” болгон тэмдэглэхээр шийдвэрлэсэн бөгөөд 2023 онд энэ өдрийг “Эрүүл ой – Эрүүл хүн” уриан дор тэмдэглэж байна.
Монгол Улсад Ойн салбарын мэргэжилтэй боловсон хүчин бэлтгэж буй их, дээд сургуулиудад суралцаж буй бакалаврын болон магистрын түвшний оюутны дунд “Оройн нахиа” эрдэм шинжилгээний хурлыг 2015 оноос эхлэн зохион байгуулж ирсэн бөгөөд тус VIII хуралд МУИС, ШУТИС, ХААИС, ОУУБИС-ийн 27 илтгэлийг хэлэлцүүлсэн хурлын үйл ажиллагаанд нийт 85 хүн оролцов.
Энэхүү хурлын зорилго нь ойн салбарын мэргэжилээр суралцаж буй оюутан суралцагчид судалгааны ажлын арга зүй эзэмшүүлэх, тэдний эрдэм шинжилгээний ажлын ур чадварыг нэмэгдүүлэхэд оршиж буй бөгөөд хуралд энэ удаагийн хуралд оролцогчид Монгол орны ойн экосистемийн төлөв байдал, уур амьсгалын үзүүлэлтэд үзүүлж буй хариу үйлдэл, ой хамгаалал, ойжуулалт, нөхөн сэргээлтийн арга технологийн судалгааны үр дүнг илтгэлээ.
Оройн нахиа оюутны эрдэм шинжилгээний хурлын үйл ажиллагааг Засгийн газрын хэрэгжүүлэгч агентлаг МУИС, Ойн газар, Монгол-Солонгосын хамтарсан Ногоон хэрэм төсөл хамтран зохион байгуулж, шилдэг илтгэл хэлэлцүүлсэн оюутанд сургалтын тэтгэлэг, мөнгөн урамшуулалт олголоо.
Энэ жил бакалаврын түвшинд нийт 17 оюутан, магистрын түвшинд нийт 10 оюутан илтгэл хэлэлцүүлснээс дараах оюутнууд шагналт байруудыг эзлэв.
| Байр | Овог, нэр | Харьяалал | Илтгэлийн сэдэв |
| Бакалаварын түвшин | |||
| 1 | Э.Сондор | МУИС, Ойн аж ахуй хөтөлбөр | Шавьжийн хэт олшролын ул мөрийг дендро–хронологийн аргаар судлах боломж |
| 2 | С.Отгонбат | ХААИС, Ойн аж ахуй хөтөлбөр | Говь цөлийн ойжуулалт ба ургамлын өвчний судалгаа |
| 3 | Г.Баясгалан | МУИС, Ойн аж ахуй хөтөлбөр | Тууш модны өмхний тархалт ба модлог ашиглалт |
| Магистрын түвшин | |||
| 1. | А.Алтанбагана | ШУТИС, Ойн инженер | Бортогонд үр тарих ажлыг механикжуулах, хагас автомат шугамын хийц, зохион бүтээлт |
| 2. | Б.Мөнххүлэг | ОУУБИС, Хот суурин цэцэрлэгжүүлэлт | Уурхайн нэрэмжит цэцэрлэгт хүрээлэнгийн төлөвлөлт |
| 3. | Б.Аззаяа | МУИС, Ойн аж ахуй, Ой зохион байгуулалт | Загийн (Haloxylon ammodendron C.A.Mey) Bunge үрийн чанарт давсжилт болон температурын үзүүлэх нөлөө |
