“Багш, оюутны стартап-2023” (NUM STARTUP LAB 3.0) хөтөлбөр нь МУИС-ийн багш, судлаачдын судалгааны үр дүн, оюуны өмчийг эдийн засгийн эргэлтэд оруулах, салбар хоорондын хамтын ажиллагааг өргөжүүлэхэд багш, оюутны хамтын оролцоог идэвхижүүлэх, гарааны компани байгуулахад дэмжлэг үзүүлэх зорилготой. Тус хөтөлбөрт нийт 15 стартап төслийн багт 90 гаруй багш, оюутан хамтран ажиллахаар бүртгүүлсэн ба хөтөлбөрийг 2023 оны 11 дүгээр сарын 30-ны өдөр хүртэлх хугацаанд хэрэгжүүлнэ.
“Багш, оюутны стартап-2023” (NUM STARTUP LAB 3.0) хөтөлбөрийн нээлтийн арга хэмжээг 2023 оны 05 дугаар 25-ны өдөр Пүрэв гараг, 16:00-18:30 цагт МУИС-ийн Багш, оюутны хөгжлийн төвийн 502 тоот хурлын өрөөнд зохион байгуулах тул та бүхнийг хүрэлцэн ирэхийг урьж байна.
