МУИС-ийн Шинжлэх Ухааны Сургуулийн зөвлөх профессор, МУИС-ийн ректор асан Дайчаагийн Дорж Монгол Улсын Ардын багш цол хүртлээ.
Тэрбээр, МУИС-ийг хөгжүүлэх, химийн мэргэжлийн боловсон хүчин бэлтгэх цаашлаад химийн шинжлэх ухааныг Монгол Улсад хөгжүүлэх үйлсэд үнэтэй хувь нэмэр оруулсан нэгэн юм. Профессор Д.Дорж нь Монгол Улсын боловсролын салбарын хууль эрх зүйн орчныг шинэчлэх, дээд боловсролын сургалт, эрдэм шинжилгээний ажил, бүтэц зохион байгуулалтыг боловсронгуй болгох, сургалтын агуулга, заах арга зүй, бакалаврын болон ахисан түвшний сургалтын тогтолцоог төлөвшүүлэхэд идэвх санаачлагатай ажилласан билээ. Түүнийг мэргэжлийн боловсон хүчин бэлтгэх, сурган хүмүүжүүлэх ухааныг хөгжүүлэх үйл хэрэгт гарамгай гавьяа байгуулсныг үнэлж, 2002 онд Монгол Улсын Гавьяат багш цолоор шагнаж байжээ.
Д.Дорж багшдаа баяр хүргэж, сурган хүмүүжүүлэх болон эрдмийн ажилд нь өндөр амжилт хүсэн ерөөе!
ЗАХИРЛЫН АЖЛЫН АЛБА
