БНСУ-ын Ханян их сургуулийн (Hanyang University ERICA exchange program) 2023-2024 оны хичээлийн жилийн хаврын улирлын ERICA оюутан солилцооны хөтөлбөрт хамрагдахыг урьж байна.
Шаардлага:
- МУИС-ийн бакалаврын түвшний идэвхтэй суралцаж буй оюутан байх (төгсөх болзол хангаагүй байх),
- Хамгийн багадаа 1 улирал амжилттай суралцсан байх,
- Голч дүн 2.4 болон түүнээс дээш байх,
- Хэлний түвшин: Солонгос хэлний TOPIK Level 3, Англи хэлний CEFR B2 (IELTS 5.5, TOEIC 785, IBT 72, ITP543, Duolingo 90) эсвэл дээш мэдлэгтэй байх
Бүрдүүлэх материалууд (бүх материалууд англи эсвэл солонгос хэлээр байна):
- Суралцах төлөвлөгөө (Study plan)
- Сургуулийн тодорхойлолт (англи хэлээр, ТҮЦ машинаас авсан байх) – Солонгосын элчин сайдын яамны аппостиль баталгаажуулалт хийгдсэн байх
- Албан ёсны дүнгийн хуулбар (англи хэлээр ТҮЦ машинаас авсан байх)
- Англи эсвэл Солонгос хэлний дундаас дээш онооны батламж, сертификат – эндээс татах
- Гадаад паспортын хуулбар (Хаврын улиралд суралцах оюутны хувьд хүчинтэй хугацаа нь дор хаяж 2024 оны 12 сарын 21-ний өдөр хүртэл байх)
- Цээж зураг (jpeg форматтай, 20kb эсвэл үүнээс бага хэмжээтэй)
- Эрүүл мэндийн даатгалын гэрчилгээ
- Санхүүгийн баталгаа – Банкны албан ёсны тодорхойлолт англи хэлээр (өөрийн эсвэл эцэг эхийн нэр дээрх дансны) – эндээс татах
- 1 улирал суралцахаар бол 4400USD
- 2 улирал суралцахаар бол 8800USD
Суралцах хугацаа: 1-2 улирал
Англиар орох хичээлийн жагсаалттай эндээс танилцана уу.
Дотуур байрны талаар мэдээллийг эндээс орж авна уу.
Өргөдөл хүлээн авах эцсийн хугацаа: 2023 оны 10 дугаар сарын 13-ны 12:00 цаг хүртэл.
Хүсэлт гаргагч нь бүрдүүлсэн материалуудаа дээрх жагсаалтын дагуу нэг багц PDF файл (файлын хэмжээ 5Mb хэтрэхгүй, тод байх) болгон утасны дугаар, суралцах улирлын хамт studentaffairs@num.edu.mn хаягаар илгээнэ үү.
Эцсийн шалгаруулалтыг Ханян их сургуулиас хийх бөгөөд дээрх материалууд болон нэмэлт материалыг дахин шаардах магадлалтай бөгөөд шалгарсан тохиолдолд өгсөн хугацаанд багтаан тухайн сургуулийн онлайн системд бүртгүүлэхийг анхаарна уу. Эхний шалгаруулалтад тэнцсэн ч хувийн шалтгаанаар суралцах боломжгүй болсон тохиолдолд тухайн их сургуулийн холбогдох мэргэжилтэн болон манай төвийн доорх хаягаар яаралтай мэдэгдэхийг мөн анхаарна уу.
Дутуу болон алдаатай бичиг баримт хүлээн авахгүй ба өргөдөл авах хугацааг сунгахгүй тул тодруулах зүйл байвал studentaffairs@num.edu.mn хаягаар урьдчилан холбогдож асууна уу.
Тус сургуулийн оюутан солилцооны хөтөлбөрийн бүртгэлийн талаарх мэдээллийг эндээс үзнэ үү.
ОЮУТНЫ ХӨГЖЛИЙН ТӨВ
Багш, оюутны хөгжлийн төв, 306 тоот,
77307730-1519
