Дэлхийн хараа хамгаалах өдөр (WSD) нь дэлхий нийтийг нүдний эрүүл мэндийн асуудалд анхаарал хандуулах зорилгоор жил бүрийн аравдугаар сарын хоёр дахь долоо хоногийн пүрэв гарагт зохион байгуулдаг.
Энэхүү хараа хамгаалах өдөр нь хараа муудах, хараагүй болохоос урьдчилан сэргийлэх тухай олон нийтэд сануулах зорилготой юм.
Тус өдрийг тохиолдуулан Монгол Улсын Их Сургууль нь Хөгжлийн бэрхшээлтэй хүний хөгжлийн ерөнхий газар, “Орбис” олон улсын байгууллагын Монгол дахь салбар, Монголын хараа зүйн мэргэжилтний Од нийгэмлэгтэй хамтран МУИС-ийн 30 гаруй оюутныг урьдчилан сэргийлэх үзлэгт хамруулж, нүдний үзлэг оношилгооны тусламж үйлчилгээг үзүүллээ.
Орбис олон улсын байгууллагын Монгол дахь салбарын эмч нар МУИС-ийн 1 дүгээр түвшний оюутнуудад хараагаа хамгаалах ач холбогдлын талаар яриа хийж, зөвлөгөө мэдээлэл өгөв.
Дэлхийн эрүүл мэндийн байгууллагаас иргэдийг урьдчилан сэргийлэх үзлэгт тогтмол орж байхыг сануулсаар байна.
МУИС-ИЙН ОЮУТНЫ ХӨГЖЛИЙН ТӨВ
