Монгол Улсын Их Сургууль, “Рио Тинто Монгол” ХХК-тай хамтран хэрэгжүүлж буй “Багш, оюутны стартап-2023” хөтөлбөрийн 14 багийн оролцогчид аравдугаар сарын 30-ны өдөр тус компанийн хамт олонтой уулзаж, төслийн менежментийн талаар суралцлаа.
Уулзалтаар “Рио Тинто Монгол” компанийн Түншлэл, хамтын ажиллагаа хариуцсан захирал Б.Даваасүрэн, Контент, харилцаа хариуцсан зөвлөх С.Төгсбилиг нар “Рио Тинто” групп, “Рио Тинто Монгол” ХХК-ийн нийгмийн хөрөнгө оруулалт ба хамтын ажиллагааны талаар, Төслийн хяналтын ахлах мэргэжилтэн П.Нанзаддорж Монгол дахь Бизнес үйлчилгээний төвийн талаар тус тус танилцуулав. Төслийн үйлчилгээний шинжээч О.Анударь төслийн менежментийн тухай сургалт зохион байгууллаа. Мөн “Рио Тинто” группийн олон улсын багт амжилттай ажиллаж буй монгол залуусыг төлөөлж Өгөгдлийн чанарын шинжээч Э.Эрболд, Төслийн үйлчилгээний шинжээч О.Анударь нар өөрийн туршлагаа хуваалцав.
Технологи дамжуулах төв
tto@num.edu.mn
77307730(1141)
