МУИС-ийн Оюутны хөгжлийн төвөөс Дотуур байранд оршин суудаг оюутнуудын дунд “Эрүүл тэнцвэртэй хооллолт гэж юу вэ. Хэрхэн хийж сурах вэ?” сэдэвт сургалтыг дадлагын хамт зохион байгууллаа. Сургалтыг “Оdoo coaching” төвийн хоол судлаач, сэтгэл зүйч, диск сорилын сургагч багш доктор Д.Оюунчимэг, сургагч багш нарын хамт амжилттай явууллаа.
Энэхүү сургалтын зорилго нь дотуур байрны суралцагчдыг амжилттай суралцах, амьдрахад шаардагдах биеийн болон сэтгэл зүйн эрүүл мэндийн мэдлэг, ур чадвар, хандлагыг хөгжүүлэх, эрүүл мэнддээ анхаарч эрүүл тэнцвэртэй хоол хүнсийг өөртөө хялбараар хэрхэн бэлтгэж сурахад чиглэв.
Сургалтад дотуур байранд оршин суух 150 гаруй оюутан хамрагдсан бөгөөд сонирхолтой, үр дүнтэй байсныг оролцогчид онцолж байлаа. Оюутнуудад тус сургалтын багийнхан хооллолт болон сэтгэлзүйн ганцаарчилсан зөвлөгөөг өгч, үнэ төлбөргүй сэтгэлзүйн зөвлөгөө авах эрхээр урамшуулав.
ОЮУТНЫ ХӨГЖЛИЙН ТӨВ
