2013 оны 1 сарын 16-ны өдөр Эко-сургууль хөдөлгөөний зохицуулагчдын баг, хамтран ажиллагч байгууллагуудаас сургууль болон орон нутагтаа байгаль хамгаалах үйл ажиллагааг долоон алхамт менежментийн дагуу амжилттай хэрэгжүүлж байгаа сургуулиудыг тодруулах, танилцуулах үйл ажиллагааг зохион байгуулав.
Энэхүү үйл ажиллагаанд БЭЛАС–ийн багш, суралцагчдын төлөөлөл, ЭБТ-ийн мэргэжилнүүд оролцож өөрсдийн үйл ажиллагаагаа танилцуулж, сурталчилсан юм. Зохион байгуулагчид МУИС-ийн Байгаль эх-лицей ахлах сургуулийн “Эко-сургууль”-ийн 7 алхам болоод экологийн боловсрол олгох танин мэдэхүйн сургалтыг амжилттай сайн хэрэгжүүлж буйг дэмжин үнэлж “ECO-SCHOOLS INTERNATIONAL AWARD” гэрчилгээг олголоо.
