МУИС-ийн Шинжлэх ухааны сургуулиас “Мэргэжлийн хөтөлбөрөө сурталчилъя” контент хакатон зохион байгуулж бaйна. Энэ сарын 15-нд эхэлсэн уг уралдаан хоёр үе шаттайгаар арван хоногийн турш үргэлжлэх ба археологи, антропологи, урлаг судлал, шашин судлал, геологи, экологийн бакалаврын зургаан хөтөлбөрийг сурталчилах юм. Эхний шатанд оюутнууд нийгмийн сүлжээний орчинд эргэлтэд оруулах контент бүтээж, хоёр дахь шатанд багууд бүтээлээ нийгмийн сүлжээнд олон нийтэд түгээнэ. Уралдаанд МУИС-ийн 10 гаруй хөтөлбөрийн 60 гаруй оюутан 15 багт хуваагдан өрсөлдөж байна.
“Мэргэжлийн хөтөлбөрөө сурталчилъя” хакатон нь МУИС-ийн байгаль, нийгэм, хүмүүнлэгийн ухааны хөтөлбөрүүдийг ерөнхий боловсролын сургуулийн ахлах ангийн сурагчид буюу их сургуульд элсэгчдэд сурталчлах зорилготой юм. Тус уралдаан нь МУИС-ийн оюутнуудын бүтээлч сэтгэлгээ, багаар ажиллах болон контент бүтээх ур чадварыг сайжруулах юм.
Одоогийн байдлаар тэмцээний эхний шат дууссан ба эцсийн шалгаруулалт 2023 оны 12 дугаар сарын 25-ны өдөр болно.
